Luka 15:1-23

¹Takasi tau‐tanogogo tataodi eo baaea tataodi gamagaridi abo se laolaoma ia arinai, arinana bena se ataiei.

²Parisea tataodi eo tauuriuri tataodi, se gadigadigugu, si ene, “Teina tau ta baaea tataodi i eogaisinidima, eo maenayao se aiai esega.”

³Teina parabole ta i ribalau aridi eai, i ene.

⁴“Aitea tau arimiu eai ena mamoe handere esega i abidi, ena esega i gege, ninety‐nine i laugabaedi, i lau esau ie gege wa i eooi, i lau e abo i lobai?

⁵I lobai, i toresae dabaearona eai, ma nualolona.

⁶I lagema ena numa eai, ehanayao eo helena tau mia i heoigogoidi, i ribalau aridi eai, i ene, ‘Ehei ta kodegogo, egu mamoe ie gege wa ea lobaiyao.’

⁷Ea heribamiu ta, galewa eai abo hinage se kode doha meta tau baabaaea esega taba nuana i bui; taulaududurai tataodi tatao‐hasi‐se‐mate‐saudoudoi‐haligigi‐hasi nige edi nuabui, galewa eai taba nige se kodeidi.

⁸Hinage aitea sine ena moni saudoudoi i abidi, esega i tauyamiu, eo lamepa nige i healasi, eo ena numa i uiauia, eo i eoo komakomanini, i lau e abo i lobai?

⁹Ia i lobai ehanayao, eo helena tau mia tataodi i heoigogoidi, i ene, ‘Ehei ta kodegogo, paana moni wa i tauyamui ea lobaiyao.’

¹⁰Ea heribamiu ta doha meta hinage Eaubada ena aneru matadi eai abo se kode, tau baabaaea esega taba nuana ie bui.”

¹¹Ia abo i ene, “Tau esau ia nanatunayao tatao labui:

¹²tau murita i ribalau tamana arinai, i ene ‘Tamagu e, gogo tupona u ledima enagu.’ Ena gogo gamagamagari abo enadi ie soi.

¹³Nige baeaona tau murita ena gogo gamagamagari abo i peigogoidi, ia abo i lau eanua esau eda lohaloha eai, nei eai ena gogo i aihegohegoilaedi laulau baaea aridi eai.

¹⁴Ena gogo wa abo se ohi, guriam lailai ie tubu nei oea eai ne; ia abo i guriam.

¹⁵Ia abo i lau nei eanua tauna esau i patulau ie mia arinai; ia abo i hetamari ena gana eai, ena sarai i heaheaidi.

¹⁶Ia sarai adi aiai mo bena i aidi, abo bogana i sese: nige ana aiai tau esau i mosei.

¹⁷Arinai ia nuana abo ie sae, i ene ‘Tamagu ena heaheari tataodi i hemaisadi adi aiai ureadi se aitoredi se ota, eau mo ea guriam matemate ta!’

¹⁸Nuana ea torohai ea lau tamagu arinai, abo ea ribalau ia arinai, ea ’ne, ‘Tamagu e, ia galewa eai ie mia ea hebaaea, eo oa matam eai hinage ea baaea.

¹⁹Eau natum se ribaegu nige ea lolo, eau abo ea hemala em heaheari esau doha isi hinage u hemaisadi ne.’

²⁰Ia abo i torohai, i laoma tamana arinai. Tamana i itaitalau ia ie ita eda lohaloha eai, i nuatoatoai, abo i aitautau, i heaitalagadoi, ia abo i alagoiei.

²¹Natuna i ribalau ia arinai i ene, ‘Tamagu e, ia galewa eai ie mia ea hebaaea, eo oa matam eai hinage ea baaea, nige ea lolo si ene bena natum eau.’

²²Tamana abo i ribalau ena heaheari tataodi aridi eai, i ene, ‘Lulu lolo‐aririna au leama, ia au helui; nimaau ia nimana eai au tore; eo aeum aena eai au toredi hinage:

²³bulumakau natuna tubutubu‐lolona au woeaiama au unui; abo ta aiai, eo ta kodegogo.