LUKA 15:1-23

¹Takisi gogoa taudia bona kara dika taudia momo be Iesu ena hereva kamonaia totona idia raka kahirakahira lao.

²To Farisea taudia bona taravatu hadibaia taudia be idia hereva mai badu danu, idia gwau, “Unai tau ese dika taudia ia abia dae, bona idia danu ia aniani hebou.”

³Vadaeni Iesu ese inai parabole ia henia idia dekenai, ia gwau:

⁴“Umui daika ena mamoe bema 100, to tamona bema ia boio, ia be 99 taunimanima idia noho lasi tano dekenai do ia rakatania, ia boio mamoena do ia tahua, ia lao bona do ia davaria?

⁵Do ia davaria neganai, ia ese mamoe be iena pagana dekenai do ia huaia, mai moale danu.

⁶Iena ruma dekenai do ia ginidae, vadaeni iena turana bona iena badibadinai taudia do ia haboua, do ia gwau, ‘Ita moale hebou, badina be lauegu mamoe, ia boio gauna, lau davaria vadaeni.’

⁷Lau hamaoroa umui dekenai, inai bamona dika tauna ta ena lalona ia giroa dainai, guba dekenai moale do ia bada. To kara maoromaoro taudia 99, edia lalona idia giroa lasi dainai, guba dekenai moale do ia maragi.

⁸“Edena hahine, bema iena siliva moni be 10, to tamona bema ia boio, ia be lamepa do ia gabua, ruma do ia daroa, do ia tahua namonamo, ela bona do ia davaria, a?

⁹Do ia davaria neganai, ia ese iena turana bona ena badibadinai hahine taudia do ia haboua, do ia gwau, ‘Ita moale hebou, badina be lauegu moni, ia boio gauna, lau davaria vadaeni.’

¹⁰Lau hamaoroa umui dekenai, dika tauna ta ena lalona ia giroa dainai, Dirava ena aneru be unai bamona do idia moale.”

¹¹Ma Iesu ia gwau, “Tau ta be mai ena natuna tau rua.

¹²Murinai ia vara tauna ese iena tamana dekenai ia hereva henia, ia gwau, ‘Lauegu tamana e, iseda kohu mani oi haria, lauegu kahana lau dekenai oi henia.’ Vadaeni tamana ese iena kohu ibounai iena natuna ruaosi dekenai ia haria karaia.

¹³Dina momo lasi idia ore, murinai ia vara tauna ese iena kohu ibounai ia haboua, vadaeni ia lao ena laolao dekenai, tano daudau dekenai ia lao, unuseni kara idauidau dekenai iena kohu ia halusia kava.

¹⁴Iena kohu idia ore neganai, unai tano dekenai hitolo bada ia vara. Ia be ia ogogami vadaeni.

¹⁵Vadaeni ia lao, unai tano tauna ta dekenai ia gaukara. Unai tau ese ia siaia, iena tano dekenai boroma do ia naria karaia.

¹⁶Vadaeni boroma edia aniani ia ura ania, ia boga kunu totona, badina be tau ta ese aniani sisina ia henia lasi.

¹⁷Vadaeni iena lalona ia kehoa, ia gwau, ‘Egu tamana be mai ena hesiai taudia momo herea, mai edia davana, bona edia aniani momo idia noho. To lau be lau hitolo mase vadaeni.

¹⁸Lau toreisi, egu tamana dekenai do lau lao, do lau gwau: Egu tamana e, lau be guba biaguna ena vairana dekenai, bona oiemu vairana dekenai, kerere lau karaia vadaeni.

¹⁹Lau be hegeregere lasi oiemu natuna do oi gwauraia, lau be emu hesiai tauna do oi halaoa, mai egu davana.’

²⁰Vadaeni ia toreisi, iena tamana dekenai ia lao. “Ia be dala dekenai ia lao noho, ruma dekenai ia raka lao neganai, daudau dekenai iena tamana ese ia itaia, vadaeni ia bogahisihisi henia, ia heau lao, iena natuna ena aiona dekenai ia rosia, ia kisi henia.

²¹To iena natuna ese ia hamaoroa, ia gwau, ‘Egu tamana e, lau be guba biaguna ena vairana dekenai, bona oiemu vairana dekenai, kerere lau karaia vadaeni, lau be hegeregere lasi oiemu natuna do oi gwauraia.’

²²To iena tamana ese iena hesiai taudia dekenai ia hamaoroa, ia gwau, ‘Dabua namo herea ta umui mailaia, iena tauanina dekenai umui atoa. Iena imana kwakikwaki gauna bona tamaka danu umui mailaia.

²³Boromakau ena natuna, ubua gauna, umui mailaia, do umui alaia. Do ita aniani, do ita moale hebou.