LUKA 15:1-23

¹Tax gogo taudia bona kara dika taudia iboudiai na iena hereva ikamonaina totona e raka kahi lao.

²A Farisea taudia bona itorena taudia e maumau, eto, Ina tau ese dika taudia e abidia daemu bona idia ida e aniani heboumu.

³Bena ia ese ina sivarai heḡereḡerena e henidia, eto,

⁴Umui daika ena mamoe bema sinahu-ta, a tamona bema dobi, ia na taurahani-ta-ahui taurahani-ta tano ḡaḡaena ai basinema rakatanidia, e dobi mamoena basinema ha tahua ela bona bema davaria?

⁵Baine davaria negana ai, ia na paḡana ai baine huaia baribara mai moalena ida.

⁶Baine lasi, ena ruma ai baine kau, bena turana bona dekena taudia baine gogodia, baineto “Aita moale hebou, badina be egu mamoe, e dobi ḡauna, vada na davaria”.

⁷Na hamaoromuimu, dika tauna ta e helalo kerehaimu dainai guba ai moale baine bada; a kara maoromaoro taudia taurahani-ta-ahui laurahani-ta asie helalo kerehaimu daidiai guba ai moale baine maraḡi.

⁸Edena hahine, ena moni bema gwauta a tamona bema boio, ia na lamepa basinema haraia, ruma basinema daroa, basinema tahua ḡoevaḡoeva ela bona bema davaria a?

⁹Baine davaria negana ai, ia ese turana bona dekena hahinedia baine gogodia, baineto “Aita moale hebou, badina be egu moni, e boio ḡauna, vada na davaria”.

¹⁰Na hamaoromuimu, dika tauna ta e helalo kerehaimu dainai Dirava ena aneru unu bae moak toma.

¹¹Ma eto, Tau ta na mai natuna rarua.

¹²Tau muritai ese tamana e hereva henia, eto, Tamagu e, iseda kohu mani a hari, lau ahugu na a henigu. Bena ena kohu idoinai raruosi e hari henidia.

¹³Dina dia hoho vada ela, tau muritai ese ena kohu idoinai e haboua, bena eha laolao, tano daudauna ela, unuseni ai ena kohu eha lebulebulai.

¹⁴Ena kohu e ore negana ai, una tano ai doe bada e vara; ia vada e ogoḡami.

¹⁵Bena ia na ela, una tano tauna ta dekenai e ḡaukara; una tau ese e siaia, iena tano ai boroma baine reḡudia.

¹⁶Bena boroma adia aniani ianina e urava, bogana aine kunu helaoleana; badina be tau ta ese ana se heniava.

¹⁷Bena lalona e parara, eto, Tamagu na mai ena hesiai taudia hutuma, mai davadia, bona adia bahu momo mimia; a lau be vada eme hitologu mase.

¹⁸Aina tore isi, tamagu dekena bainala, bainalo “Tamagu e, lau na Guba Biaguna vairanai bona oi vairamu ai vada na kara havara;

¹⁹lau na dia heḡereḡere oi natumu ba gwauraigu; emu hesiai laugu ai ba halaogu, mai davagu”.

²⁰Bena e tore isi, tamana dekena ela. Ia na dala amo e laova, ruma e raka henia e laova ai, dauhai tamana ese e mataia davari, bena e bogaia hisi, e heau lao, aiona ai e hahegagiu dae, e harahua.

²¹A natuna ese e hamaoroa, eto, Tamagu e, lau na Guba Biaguna vairanai bona oi vairamu ai vada na kara havara; lau na dia heḡereḡere oi natumu ba gwauraigu.

²²A tamana ese ena hesiai taudia e hamaorodia, eto, Dabua namo-hereana ta a mailaia, a hadokilaia; imana kwaki-kwakina ḡauna bona tamaka danu a mailai;

²³boromakau natuna, heubu ḡauna, a mailaia, bavalaia; baita aniani, baita moale hebou.