Luka 15:1-23

¹Mada ꞌahogano takesi azaḡa ebu haḡai sauꞌa azaḡaniꞌa nuꞌoranadu Iesu ḡoere abitinu.

²Rehano Farisea azaḡa ebu Mose goro ḡoeꞌa ihozeꞌeteꞌe azaḡa ze mene matuiro ebu ufeta ḡoereriro, raenaꞌa, “Iesuꞌe haḡai sauꞌa haḡaeꞌeteꞌe azaḡa mae zouzeꞌohe ebu zeḡe teite ogau tiburuꞌohe.”

³Ebu Iesuꞌa hari ꞌahoga idaniro.

⁴“Zae boꞌaḡano vaze ꞌahogaꞌe mamoꞌeḡa 100, rehano tibaniꞌa dauḡine, aniꞌe mamoꞌe 99 haba bohaꞌa nobeꞌa modadu dauḡoga mamoꞌeḡa vaḡe ragaviꞌuma.

⁵Ani horone meine, ani matuꞌe rudanadu mae ane herao tiꞌuma.

⁶Ebu ani bare ne onamadu ane vaze, negoḡa zu nabuga huze nuꞌoziꞌuma. Ebu raꞌenaꞌa, 'Eꞌe eḡe mamoꞌe dauḡoga ḡauḡa horoneha, eꞌanoꞌo eḡe teite matuihi!'

⁷E ziꞌohe. Hari eꞌe teige, haḡai sauꞌa vazeḡa tibaꞌe ane sauꞌaꞌonoꞌo ḡihurine, adureo ani mazao ufeta matuꞌiꞌuma. Sauꞌaꞌonoꞌo ḡihuriꞌuma haḡaiḡa oꞌoꞌa raꞌeteꞌe duduḡa azaḡa 99 vitiziꞌuma.”

⁸Iesuꞌa hari ꞌahoga idaniro, raenaꞌa, “Roḡae ꞌahogaꞌe moniḡa niduꞌa 10, rehano tibaniꞌa dauḡine, ani nagini haḡaiꞌuma? Ani ihureḡa tinadu ne fodeꞌenaꞌa, haba niduꞌa faine ḡiane vaḡiꞌuma.

⁹Ebu horone meine, ane vaze, negoḡa zu nabuga huzadu zinaꞌa, 'Eḡeꞌa dauniroteꞌe moni tiba vaḡe horoneha, eꞌanoꞌo eḡe teite matuꞌihi!'

¹⁰E za ziꞌohe. Eꞌe teiḡe, Exhaḡai sauꞌa vazeḡa tibaniꞌa ane sauꞌaꞌonoꞌo ḡihurine, Badiꞌa tuḡure vigaꞌe matuꞌiꞌuma.”

¹¹Ebu Iesuꞌa hari ꞌahoga bare idaniro. “Vaze ꞌahoganiꞌa ubuga ꞌaheu teite radiunu.

¹²Mada ꞌahogano ubuga veḡaniꞌa moga niro, raenaꞌa, 'Mama, ḡae toheḡo zamaḡano einiꞌuma ḡau niduꞌa ꞌai enoꞌi!' Ebu moganiꞌa ane ḡau ubuga ꞌaheu veize aꞌanadu ziniro.

¹³Mada nu ḡarugano, ubuga veḡaniꞌa ḡauḡa niduꞌa nuꞌonadu haba faḡa vaḡine onamiro. Ebu eꞌea ani mene faine zamaradu moniḡa au tauḡeꞌenaꞌa niduꞌa modiro.

¹⁴Ani moniḡa niduꞌa mode hauḡirotene, eꞌe habaꞌano zahara boroꞌa buaro ebu ani vinine runiro.

¹⁵Eꞌanoꞌo ani gauoga veize eꞌe habaꞌa vazeḡa ꞌahoga vaḡe onamiro, ebu vazeḡaniꞌa ani haba bohaꞌano aba taufeꞌeteꞌe gauḡa haro.

¹⁶Ani eꞌea vinine runadu ani ura boroꞌe aba ogomu atihi reinu, rehano vaze ꞌahoganiꞌa ogomu ꞌahoga mene haro.

¹⁷Ḡonagano zamaḡaniꞌa bohatanadu ani ane bare reiro, raenaꞌa, 'Eḡe mama veize gaueꞌeteꞌe azaḡaꞌe ogomuze ḡehaḡa bagaḡa, u eꞌe ahama vinihe ruheꞌohe.

¹⁸E mama vaḡe bare onamiꞌuma ebu ꞌahige niꞌuma. “Mama, eꞌe ḡa zu Badiꞌa mazao haḡai sauꞌa haḡaeha.

¹⁹Eꞌanoꞌo e ḡae ubugo rae ago huhoꞌi, rehano ḡae veize gaueꞌeteꞌe azaḡa teige huhoꞌi!”

²⁰ꞌOuge rae zamaradu ani iḡunadu moga vaḡe bare onamiro. Ani ize faḡano onairotene, moganiꞌa horoniro. Aniꞌe vetuḡaneadu ani ubuga ꞌuꞌa dure onamiro ebu ahainadu furaꞌiniro.

²¹Ubuganiꞌa moga niro, raenaꞌa, 'Mama, eꞌe Badiꞌa zu ḡa mazao haḡai sauꞌa haḡaeha, eꞌanoꞌo e ḡae ubugo rae ago huhoꞌi!'

²²Rehano moganiꞌa tuḡure azaḡa zinaꞌa, 'Dabua manoḡa ḡarihe odohe aradu vidanohanoꞌi! ꞌEvore adiriḡa redohanoꞌi, zu tamaka redohanoꞌi!

²³Ebu boromakau modohuḡa iga reiteꞌe odohe aradu manoꞌi! Eme au matuꞌiꞌhi!