Luku 15:1-23

¹Hanki maka takisi zgo e'neriza vahe'mo'zane, kumi vahe'mo'za Jisasinte erava'o hu'za naneke'a antahinaku hu'naze.

²Hianagi Farisi vahe'ene kasegere ugota hu'naza (sraib) vahe'mo'za zamagra'a ke hugantu hugama hu'za, ama nemo'a kumi vahe zmareno nezana zamagrane magopi nene hu'za nehazageno,

³Jisasi' ana kenona amanage huno fronka kea zmasami'ne,

⁴Mago'moma tamagripintima, 100ti'a sipisipi ante'nenifinti mago'mo fanane hanigeno'a inankna hugahie? 99ni'a atrenigeno agupofi mani'nenageno, fananema hu'nemofonku hakeva hakeva huno keno erifore hugahie.

⁵Ome keno eri fore huteno, afunte avrenteno muse nehuno,

⁶avreno nontema ehnatino'a, roneamokizmine tva'onte'ma nemniza nagara ke hanige'za esageno, anage huno zmasamigahie. Muse nagri ene eme hinketo. Na'ankure fnanema hu'nea sipisipia hago hakena eri fore hu'noe huno hugahie!

⁷Hanki nagra amanage hu'na neramasmue. Anahukna kante, 99ni'a vahe'mo'za fatgo hu'nazankiza zmagu'a rukrehe osugahazanagi, mago kumi vahe'mo, agu'a rukrehe hanigeno'a monafina tusi muse nehaze.

⁸Jisasi'a mago'ane huno, mago a'mo'ma 10ni'a zgo ante'nenifinti, magoke zgoma fanane hu'nenkeno'a, rampe tavi taginteno noma'a harafi huno hakeva hakeva huno keno eri fore hugahie.

⁹Ana a'mo'ma ome ke fore huteno'a, rone'agu'ene, tva'oma'are nemniza vaheku'enena zmasamino, Muse nagrane eme hinketo, na'ankure zgonima fnanema hu'neana hago hakena erifore hu'noe huno hugahie!

¹⁰Hanki amanage hu'na neramasmue, anahu kante mago kumi vahe'mo'ma agu'ama rukrahe'ma nehige'za, Anumzamofo ankeromo'za tusi muse nehaze.

¹¹Jisasi amanage huno zmasmi'ne, Mago ne'mo tare ne' mofavre znante'ne.

¹²Agonesa ne'amo nfa'amofonku anage huno asami'ne, afufeno ka'a nagrama eri snuama'a refko hunka namisnane higeno, nefa'a fenoma'a refko huno znami'ne.

¹³Zaza kna omnineno agonesa ne'amo, fenoma'a erino afete moparega vu'no anantega umani'neno, aza osu havi avu'avazante fenozama ome atre eme atre hu'ne.

¹⁴Maka'zama'a atre vgaretegeno, ana mopafina tusi agate'za fore higeno, ana ne'mofona mago'zama'a omnegeno tusi'a agazanku hu'ne.

¹⁵Ana higeno mago mopa agafa nete vuno, erizampi avresigu ome antahigegeno, ana nemo'a afu'a kegva hinogu huntegeno afu kevuma mni'narega vu'ne.

¹⁶Magore huno vahe'mo'za nezana omizageno, afumo'za kohe akru'a nenazafinti nemu hu'naku agesa antahintahi hu'ne.

¹⁷Hianagi agrama knare antahintahima e'nerino'a, agra'a anage hu'ne. Mika'a nenfa eri'za vahe'mo'za rama'a breti nenaze. Hianagi nagra amafi mni'nena nagakura fri'za hue!

¹⁸Nagra otina nenfante vuna, anage hu'na ome asamigahue. Nafanimoka Anumzamofonte'ene kagritera kumi hu'nogu,

¹⁹ne'nimo'e hunka kagra nagrikura osunka, eri'za vaheka'agna hunka navro hu'na hugahue huno agesa antahine.

²⁰Anage huteno otino nefantega e'ne, ogamanu ne-egeno, nfa'amo negeno asuntaginteno, agareno vuno ome agazafeno, agi antako hu'ne.

²¹Ana nehigeno ana ne'amo anage huno nfa'amofo ome asmi'ne, Nafa'nimoke, Anumzamofonte ene kagrite enena kumi hu'noe. E'ina hu'negu ne'nimo'e hunka nagrikura hugara osu'noe. Hanki eri'za vahe'ni'e hunka huo.

²²Hianagi nfa'amo'a kazokzo eri'za vahe'agu anage huno zmasamine, ame hutma hentofa kena erita eme antaninentetma, azampina asane agia anone eme antaninteho.

²³Agaho bulimakamo afovage hu'nesia avreta eme ahetma, krenketa neneta maka'mota musena hamneno.