Joba 34

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Elihu loh koep a doo tih,

²Aka cueih rhoek ka ol hnatun uh lamtah aka ming rhoek loh kai taengla hnakaeng uh.

³Hna loh olthui a nuemnai tih lai loh caak te a ten.

⁴Tiktamnah te mamih ham coelh uh sih lamtah a then te mamih lakli ah ming uh sih.

⁵Job loh, 'Ka tang lalah Pathen loh ka tiktamnah a hnawt.

⁶Ka tiktamnah khaw ka laithae bang mai la boekoeknah pawt mai ah ka thaltang loh rhawp coeng,' a ti.

⁷Tui bangla tamdaengnah aka o Job bang hlang he om nim.

⁸Boethae aka saii neh rhoihui bangla yiin tih halang hlang rhoek taengah khaw pongpa.

⁹'Pathen taengah a ngaingaih vaengah hlang hmaiben pawh,' a ti.

¹⁰Te dongah thinko aka khueh hlang rhoek loh kai taengah hnatun uh. Halangnah he Pathen lamlong savisava tih Tlungthang he dumlai neh savisava coeng.

¹¹Hlang kah bisai he amah taengla a thuung tih, hlang a caehlong bangla amah loh a hmuh.

¹²Pathen tah boe tueng pawt tih Tlungthang loh tiktamnah te a khun sak moenih.

¹³Amah loh diklai ah unim a khueh tih lunglai he a pum la u taengah nim a tloeng.

¹⁴Amah taengkah loh a khueh a lungbuei, a mueihla neh a hiil te amah taengla khoem koinih,

¹⁵Pumsa boeih he rhenten pal vetih hlang he laipi la mael ni.

¹⁶Yakmingnah a om atah he he hnatun lamtah ka olthui ol he hnakaeng lah.

¹⁷Tiktamnah aka thiinah aisat loh a ngoldoelh tih, aka dueng, aka khuet loh m'boe sak aya?

¹⁸Manghai te, 'Hlang muen,' hlangcong te 'Halang,' a ti nah nim?

¹⁹Amah loh mangpa maelhmai dan pawt tih tattloel maelhmai lakah rhoeikhang kah a hmat tloe moenih. Amih boeih te amah kut dongah kutngo ni.

²⁰Mikhaptok ah a duek dongah pilnam khaw khoyin pathung ah tuen tih khum uh. Kut nen pawt akhaw aka lueng a khoe uh.

²¹A mik te hlang kah longpuei dongah a khueh tih a khokan boeih te a hmuh.

²²Boethae aka saii rhoek thuh hamla hmaisuep om pawt tih dueknah hlipkhup khaw a om moenih.

²³Pathen taengkah laitloeknah dongla a pha ham coeng dongah hlang te koep a cae moenih.

²⁴Aka khuet te khenah a om pawt ah a phaek tih amih yueng la a tloe a khueh.

²⁵Amih kah khoboe te a hmat dongah, khoyin ah a maelh tih pop uh.

²⁶Halang rhoek ham tah hmuh nah hmuen ah amih te kut a paeng thil.

²⁷Te dongah ni a hnuk lamloh nong uh tangloeng tih a longpuei boeih te a cangbam uh pawh.

²⁸Tattloel kah pangngawlnah te a taengla pawk tih mangdaeng kah pangngawlnah a yaak.

²⁹Tedae amah te mong tih ulong a boe sak. Maelhmai a thuh vaengah ulong anih a mae? Tedae namtom so neh hlang khat soah khaw rhenten om ta.

³⁰Lailak hlang a manghai khaw pilnam ham hlaeh la poeh.

³¹Pathen taengah tah, 'Ka laikoi pawt khaw ka phueih.

³²Nang kam hmuh pawt ah kai nan thuinuet coeng. Dumlai ka saii mai cakhaw ka koei voel boel eh,' a ti nama.

³³Na hnawt coeng dongah te kah te namah taeng lamloh na thuung aya? Namah loh na coelh coeng, kai long moenih. Te dongah na ming te thui to.

³⁴Thinko aka khueh hlang rhoek loh, kai taengah thui uh lamtah hlang cueih loh kai taengkah he hnatun saeh.

³⁵Job he mingnah neh cal pawt tih, a ol long a cangbam moenih.

³⁶A pa nae, boethae hlang kah taikhaih dongah, Job loh a yoeyah la loepdak saeh.

³⁷A tholhnah te mamih laklo ah boekoek neh, a koei uh tih kut a paeng dongah, Pathen taengah a ol pung,” a ti.