Job 23

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Job loh a doo tih,

²Tihnin ah khaw boekoek bangla ka kohuetnah loh ka kut he ka hueinah neh a nan.

³U loh n'khueh khaw ka ming vetih amah te ka hmuh phoeiah amah kah hmuenmol la ka pha lah mako?

⁴A mikhmuh ah laitloeknah ka khueng lah vetih ka ka ah toelthamnah ka paem lah mako.

⁵Olthui te ka ming tih kai n'doo vaengkah kai hamla a thui te ka yakming lah mako.

⁶Thadueng cungkuem neh kai n'ho saeh a? Amah loh kai taengah khueh het mahpawt a?

⁷Aka thuem te a hmaiah a tluung pahoi lah vetih kai he laitloek khui lamloh a yoeyah la ka loeih mako.

⁸Khothoeng la ka caeh mai akhaw amah a om moenih. A hnuk ah khaw anih te ka yakming moenih.

⁹Banvoei ah a saii vaengah hmuh moenih. Bantang la a mael vaengah ka hmuh moenih.

¹⁰Tedae longpuei a ming dongah kai he ka taengah n'noemcai tih sui bangla ka thoeng.

¹¹A khokan te ka khopha loh a vai. A longpuei te ka ngaithuen tih ka phael moenih.

¹²A hmuilai kah olpaek khaw ka hlong pawt tih ka buhvae lakah a ka lamkah ol ni ka khoem.

¹³Tedae amah tah pakhat la om tih ulong anih a mael thil thai? Te dongah a hinglu kah a ngaih bangla a saii.

¹⁴Ka oltlueh te a thuung tih te bang te amah taengah yet.

¹⁵Te dongah a mikhmuh lamloh ka let coeng. Ka yakming dongah amah te ka rhih.

¹⁶Pathen loh kai lungbuei a phoena sak tih tlungthang loh kai n'let sak.

¹⁷Tedae a hmuep kah maelhmai loh m'biit pawt tih ka maelhmai te a khohmuep loh a dah moenih.