Iob 23

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ma Iob i ga tata ma i ga biti:

²Kaugu tinata na urur i mamat boko go, Ra mamat na limana i ki taun iau, ma iau riri tana.

³Ea, gala iau ti nunure ra pakana i ki tana, Upi ina tadav kana kiki iat!

⁴Ina vaarike kaugu kini pirana, Ma ra ngiegu na buka ma ra tinata ure.

⁵Ina kapa ure kana balbali piragu, Ma ina matoto ta kana tinata.

⁶Dave, na barat iau laka ma kana dekdek? Pata; na valongore ke iau.

⁷Abara na topa ra tena takodo pi na vartoto me, Ma kaugu tena varkurai na pala vakakit vue iau.

⁸la kaka, iau vana aro na lua, ma pa i ki abara; Iau vana aro namur, ma pa iau gire tadav ia;

⁹Iau mama tikan upi ia ta.ra papar a maira, Ma ba iau tur tapuku tadav ra papar a lima tuna, pa iau na tadav ia.

¹⁰Ma ia iat i kapa ure kaugu nga, Ma ba na ga valar ot pa iau, ina vana rikai da ra goled.

¹¹A kaugu i tar vanavana ta kana nga; Iau ga mur kana mangamangana, ma pa iau ga vana irai.

¹²Iau ga mur vatikene kana lavur vartuluai; Ma kana lavur tinata dia ga ngatngat piragu ta dir ma ra agu nian.

¹³Ia kaka, to ia bar na vaenana pa ra nuknukina? I pait ot pa nam ba i mainge ba na pait ia.

¹⁴Nam ra magit di ga tibe value ure iau, ia iat i pait ia; Ma mangoro na magit damana dia ki pirana.

¹⁵Damana i purpuruan ra balagu ta ra luaina matana; Ma ba iau nuknuk ure, iau ti burut i tana.

¹⁶Tago God i ga vabilua ra nuknukigu, Ma ra Dekdek Muka i ga vapurpuruan iau;

¹⁷Tago di vapurpuruan iau ma ra bobotoi, Ma ra bingnimuna i tuba ra matagu.