Hiop 23

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Mürin, Hiop a apasa,

²“Lon ai siö üa chüen ü ngeni Kot ikenai. Pöün a chou woi lon ai ngüngü.

³Amwo üpwe silei ia üpwe küna i me ie, pwe üpwe tongeni feila ren lon lenian.

⁴Üpwe pwärätä ai weires me fän mesan o apasawu ai kapasen alellet.

⁵Üa mochen silei mine epwe pälüeni ngeniei o weweiti mine epwe üreniei.

⁶Ifa usun, epwe anini ngeniei fän watten an manaman? Apwi! Epwe aüselinga ai kapas.

⁷Mürin, eman aramas mi wenechar epwe pwüngüpwüng ngeni, nge ngang üpwe ngasala seni ai soukapwüng tori feilfeilachök.

⁸Nengeni, üa feila peliötiu, nge Kot esap nom ikenan, üa pwal feila pelilotou, nge üsap küna i.

⁹Lupwen a föri an angang me peliefeng, ngang üsap küna, lupwen a kul ngeni peliör, ngang üsap nenengeni.

¹⁰Nge Kot a silei ewe al üa fetal won. Lupwen a sotuniei, a pwä pwe üa usun kolt.

¹¹Pechei a ipwelong lon ipwan. Üa tümwünüfichi an al, nge üsap rik seni.

¹²Üa apwönüetä än Kot kewe allük, üa iseis an kewe kapas lon letipei.

¹³Nge Kot esap siwil. Iö a tongeni apälüa? Meinisin mine a mochen epwe chök föri.

¹⁴Pun epwe awesala mine a akota ngeniei. Chomong akot usun ekei ra nom lon an ekiek.

¹⁵Iei mine üa fokun chechech me fän mesan. Lupwen üa ekieki usun, üa niuokusiti i.

¹⁶Kot a föri pwe üa apilükingau, Ewe mi Unusen Manaman a eniwaei.

¹⁷Nge üsap fanafanala ren ewe rochopwak, pwal ren ewe rochokichin rochopwak mi pwölüela mesei.”