1“Aiai wei pariverenana ita vitumaḡanei? Bada aiai awarii ana rewapana i viatataiei?”
2God au matana, i rata me ai-nabina, me aiwarama au kemara e gogogolana. Eḡa ita tupua karawata bo vigulauna, eḡa aiwaina vinualaulaunana da tata rauoḡarei.
3Ta inana geduaiei ma ta inana-tawanei, iniviara ma vinuapoapoe malana i vaia, ta raugovaḡei, ta mae-puputei ma ta riwa da tauna rava labalababa.
4Tauna, ata nuabola kovoḡana i vaia ma ata iniviara i avarai. Wate ta notai da ana ḡoʼapoapoe aubaina, God i kovoḡi.
5Ata kaua apoapoe aubaina i vitonei, ata ḡoʼapoapoe aubaina i vikeroi. Kovoḡanei, nuauba i vereta; kwapu keronei i vilawanita.
6Anataputa me sipu kwakokwakona, ana nuaita ma ata ḡoanei ta mamae; wate ata ḡoʼapoapoe kovoḡana, Bada tauna i viavarai.
7Au taunola i rauiviapoapoelana-kauei, wate i volaḡota; eḡa aiwai ita latoni. I taravaina-naiei viraḡenana aubaina me sipu ḡaubona. Me sipu ana genugenuanana e nenae aparabori aubaina eḡa aiwai ita latoni.
8I pani ma i naiei ma eḡa aiai tauna ita vinuabolei, eḡa ana epaepaia ma ina iraḡe. Ana lawana au pouna i kwa labalababa. Ana rava oina ai ḡoʼapoapoe aubaina iʼraḡe.
9Tauna eḡa morumoruna bo ḡaiḡaiawana. Wate taui i ḡoei da danedanei maiteni ita doboi, ma purapura ravana ana au kokoaḡa i vimataveni.
10Maranai ana lawana i puloei ata ḡoʼapoapoe aubaina. Lamna, Bada ana ḡoana da tauna ita vunu-boai ma iniviara ḡaeḡaena ita vaia. Ma ana epaepaia ina maḡa guratana ma ana lawana ina manawa. Ma taunei, Bada ana ḡoana ina kauana-paiei.
11Ana nola anona ina inanai ma ina vinuaiaei da ana nuabola eḡa kwakwavina. Bada i riwa, “Au taunola patupatutuna a vinuaiaiei, rava maḡamaḡagaui ai kovoḡa i avarai ma lamnei taui ana ḡorei Rava-Jijimanii.
12Ma lamna aubaina ana vimaeḡaeḡaeni, tauna rava ḡaeḡaena. Ma ana au gabu ana terei rava ḡaeḡaei ma virewapanai maiteni ma ana maia ina ḡutai. Aubaina ana nuaina ana lawana i verenei. Tauna ora‑potapotai maiteni iʼraḡe, ma ḡoʼapoapoe ravai maḡamaḡaui aubai i mairi.”
