1Nyangka-ya yarnangu pirnilu watjarnu, “Tjinguru-yan purtu mula-mularriku ngaapirinypa-latju watjaranyangka. Tjinguru-yan purtu kulira tjiinya Mama Kuurrtu kutjulpirtu kulirnu ngarnmanymanu ngaapirinypa ngaratjaku.
2Mama Kuurrtu waarka palyalpayi palunyanya ngalyawiturnu. Parturtu-ya pirnilu nyangu purlkamunu nyinarranyangka. Tjiinyakurlu warta kurlunypa pakala manta witu-witungka. Nyangkakurlu-ya nyawa pawun-pawunpa pikirrikitja ngaralanyangka. Palunyapirinypa-ya waarka palyalpayi palunyanya nyangu pawun-pawunpa mirrirrikitjapirinypa. Wati palunyanya puurrpirinypa nyinarranytjamunu Puru yiiku walykumunu nyinarranytjamunu. Nyangka-lan nyakula wantirranytja mungutjakukantjalu.
3Yarnangu pirnilu-ya yanyan-yanyantu wantingu. Nyangka wati palunyalu pika purlkanya mantjirnu. Nyangka-ya nyakukitjamunulu wantingu. Nyangka-lan kulirnu wantingu purlkamunulkanyu nyinarranytja. Ngurra-watjala purlkanya nyinarranytja.
4Tjiinya wati palunyalu pika purlkanya mantjirnu ngayulanguru-lanya. Nyangka-lan kulirnu Mama Kuurrtu-ra pika yutirnu palyamunu palyannyangka, palunyakukantja.
5Wiya, wati palunyalu pika purlkanya mantjirnu tjiinyamarntu ngayulu-lan kutjupa-kutjupa palyamunu palyarnu palunyangka. Wati palunyanya-ya pika purlkanya pungkulanytja. Palunyangka-lan pikatjarra nyinanytjatjanu walykumunurringu nyinarra.
6Ngayulu-lan tjiipupirinypa kawarnarrara kutipitjangu. Pinkurraara-lan yungarra kutipitjangu yiwarra kutjupangka. Tjinguru-lan ngayulu mirrirringama kutjupa-kutjupa palyamunu palyaranytjatjanulu. Ngarna Mama Kuurrtu watjarnu wati palunyanya mirrirritjaku, tjiinyamarntu-lan kutjupa-kutjupa palyamunu palyaranytja palunyangka.
7Tjiinya-ya wati palunyanya lingkirrtu pungkulanytja. Nyangka kanmarrpa ngaralanytja. Tjiinyakurlu-ya tjiipu warlangu kati ngaratjurra mirri pungkukitjalu. Nyangka kanmarrpa ngarama, palunyapirinypa. Nyangkakurlu tjiipu kanmarrpa ngarama purrmu katapungkukitjangka, palunyapirinypa.
8Tjiinya-ya kunpu-kunpu kuurrpangka mirritjunkulalpi mantjira makatingu mirri pungkukitjalu. Tjiinya-ra kutjupa ngarltuwangkanytjamunu wiyartu. Nyangka-ya pungu mirrirntanu tjiinyamarntu ngayuku yungarrapirtilu-ya kutjupa-kutjupa palyamunu palyaranyangka.
9Nyangka-ya mirri katingu tjarrpatjunu wati nyarra tjimarri purlkanyatjarraku pulpangka. Tjiinya wati palunyalu kutjupa-kutjupa palyamunu palyaranytjamunurtu. Puru kutjuwarra mayuranytjamunu. Nyangka mirrirrinyangka-ya palyamunu palyalpayi pirniku tjuulwanalu tjarrpatjunu.” Palunyapirinypa-ya watjarnu.
10Nyangka Mama Kuurrtu watjarnu, “Ngayulu-rna kutjulpirtu watjarnu wati palunyanya pika mantjira mirrirritjaku, tjiinya yarnangu palyamunu pirniku-tjanampa yangarrakatirra mirrirritjaku. Nyangka wati palunyalu nyaku palunyaku tjamu kaparlipirti. Palunyalu rawa nyinarra-wanarayinma. Wati palunyalu pirninyartu palyalku wiyalku nyarra ngayulu-rnalu watjarnu wantitjanya.
11Tjiinya wati walykumununya kunkanypa nyinarranytjatjanu mirrirringu yarnangu palyamunu pirniku. Palunyangka ngayulu-tjanamparna kalyparriku. Palunyangka wati palunyalu nyakulalpi pukurlarriku. Palunyalu kulilku, ‘Yuwa, palya-rna pika purlkanya mantjirnu mirrirringu. Nyangka Mamanya-tjanampa kalyparringu.’”
12Puru Mama Kuurrtu watjarnu, “Ngayulu-rnara kutjupa-kutjupa walykumunu nintilku. Palunyalu-rnalu nyinatjunku puurrpa purlkanya nyinarratjaku. Tjiinya yarnangu pirnilu-ya kuliranytja wati palunyanya palyamunu nyinarranytja, palunyakukantjalu. Wiya, yarnangu palyamunu pirniku-tjanampa yangarrakatingu mirrirringu. Palunyalu-tjanampa tjapiranytja ngayulu-rna kalyparritjaku.”
