Annabi Esayi 53

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹Nde laxi won ma masenyi ra? Nde Alatala sɛnbɛ toxi?

²A xa konyi lu nɛ alɔ sansi xuri, naxan tixi bɔxi xare ma. A to ki mu nu rayabu, a xa tofanyi mu gbo.

³Mixi raɲaaxuxi nan nu a ra ɲama mu tinxi naxan na. Tɔɔrɔmixi nan nu a ra, naxan darixi ɲaxankatɛ ra. Mixie mu tinxi e ya tide a bɛ. E nu yo a ma, e mu tide yo fixi a ma.

⁴A bara won ma tɔɔrɛ findi a gbe ra, a bara won ma kɔntɔfili findi a gbe ra. Won tan bara a maɲɔxun a Ala nan a dankaxi, a a xa tɔɔrɛ fatanxi Ala nan na.

⁵Kɔnɔ a sɔxɔ nɛ won ma yunubie xa fe ra, a butuxun won ma ɲaaxuɲa xa fe ra. A ɲaxankatɛ sɔtɔ nɛ alako won xa yalanyi sɔtɔ, a xa fie findixi kisi nan na won bɛ.

⁶Won birin nu lɔɛxi nɛ alɔ xuruse naxee yensenma wula i, kankan naxa siga a xa kira xɔn ma. Kɔnɔ Alatala bara won ma yunubie kote dɔxɔ a xun.

⁷Tɔɔrɛ nun fe xɔrɔxɔɛ to a li, a mu a dɛ rabi hali keren. A lu nɛ alɔ yɛxɛɛ naxan xaninfe a faxade. A a sabari nɛ tɔɔrɛ kui, alɔ yɛxɛɛ xabe maxaba tɛmui.

⁸A to gɛ kiiti tinxintare sɔtɔde, a naxa faxa. Nde nɔ a bade duniɲa mixie yi ra? A ɲaxankataxi n ma ɲama xa yunubie nan ma fe ra.

⁹E nu wama a fure ragatafe mixi ɲaaxie nan ya ma, kɔnɔ a raɲɔnyi a ragata mixi bannaxie nan ya ma, barima a mu mixi tɔɔrɔ, a mu mixi madaxu.

¹⁰Alatala bara natɛ tongo a xa a ɲaxankata tɔɔrɛ ra, kɔnɔ sɛrɛxɛ na ba yunubie xa fe ra, a fama nɛ a bɔnsɔɛ tode, a bu abadan. Alatala waxɔnfe rakamalima a tan nan saabui ra.

¹¹A na gɛ a xa wali rabade, a fama nɛ sɛɛwade. «N ma konyi tinxinxi ɲama findima nɛ tinxintɔɛe ra, a e xun sara e xa yunubie xa fe ra.

¹²N tide xungbe soma nɛ a yi ra, a xunnakeli sare sɔtɔ sɛnbɛ ra, a to faxa matandilae yi ra, a nu bara a yɛtɛ fi sɛrɛxɛ ra mixi gbegbe xa yunubie xa fe ra.»