Isaiah 16

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹Gamsung vaipo kai pehdin kelngoinou ho chu hin sol’un sela akonin. Nelgam akon zionmolsang gei adin hin solun.

²Moab numei ho chu Arnon vadungpalgal kaina adong lai achun vachabuh neilou bangin dalhah in aumunahi.

³“Nei panpiu vin,” tin apengunahi.” Neihuhdoh un kagal mi teuakonin. Lungsetna beija gal eisat hoa konin nei vengbit un. Kapel doh tah jeh un tun nei lhem tahih un.

⁴Ka mite galjam ho chu nalah uvaumuhen kichat tijat beikah in galmiho akonin anasel tup un.” Kibolgimnaleh manthahna ahung kichaiteng, galmi mibulu ho a manthahteng uleh,

⁵Pathenin David khanggui akonaleng khat ahin tun doh ding ahi. Amachun hepinaleh thutah a vaiahom ding ahi. Adih chu ipihamaman abol jing ding, chuleh thilphabolding alungvil ten ding ahi.

⁶Moab kiletsah dan chu kanajaove- akiletsah nao, ahoithonaoleh angolnao. Ahin akisonnao jouseamang gam tan ahi.

⁷Moab gamsung mijouse akap unahi. Ahin, Moab a cheng mijousena puldou uve, Kir-hareseth akonlengpithei agop tan ahi. Tuhin aumgam tapouve.

⁸Heshbon a louho dalhah in aumtan; Sibmah a lengpilei hojongdalhah in a umtai chitin namtinchunga vaihom hon Moab asukehtaove-hoitah tah lengpithei gui hochu. Akhaogui sah langa patnin Jazer khosung gei jin akiphan, solam gamthip gamgei jin a kikhailha in ahi. Ajihdon lhumlam geiaphan, twikhanglen gal a ajam galkai tao ve.

⁹Hijeh chun tun keiman Jazer leh Sibmah lengpilei kaka pitai; kamitlhi twi Heshbon leh Eleahleh adin along’e. Nipi laija honga lougakhoptup jeh a kipana lhangsap jongaum tapoi.

¹⁰Kipana chu tun a umtapoi, neh khoptup jeh a kipana aumtapoi. Lengpileisungalasahjong umtapon tin, kipana lhangsap jong um taponte, lengpitwi’a akipanao jouse kasuh hai peh ahitai.

¹¹Selangdah tuma puldou va akimao banga Moab adinga ka lungsung kap ahi. Kir-hareseth adin lunggenthei in kadimin ahi.

¹²Moab miten a houin uva milim hin houvun tin, ahin imacha phachom louding ahi. A pathen koma kap un tin, ahin koima chan amaho ahuhdoh louding ahi.

¹³Hiche thudol ho Pakai in phatmasa peh a anasei doh ahitai.

¹⁴Ahin tun Pakai in aseije, “Kumthum sunga nisim a simin, Moab loupina chu bei ding ahi. Michujat a kona mi lhomcha bou ahinga kidalha diu ahi.