IOANE 17:13-24

¹³Harihari ba vasimu. Taunabunai ini hereva tanobada ai na gwauraimu, egu moale na egu hahediba lalodia ai bae abia dae ḡuḡuru helaoreana.

¹⁴Emu hereva vada na henidia; bona tanobada ese vada e inai henidia, badina be idia na dia tanobada nea, lau heḡereḡeregu, lau na dia tanobada ena.

¹⁵Asina noimumu tanobada amo bavabidia oho, a na noimumu Tau Dikana ena amo ba hamauridia.

¹⁶Idia na dia tanobada ena, lau heḡereḡeregu, lau danu dia tanobada ena.

¹⁷Hereva momokani ai ba hahelaḡadia: emu hereva na hereva momokani.

¹⁸Vada o siaigu tanobada ai heḡereḡerena ai, lau ese danu vada na siaidia tanobada ai.

¹⁹Bona idia daidiai sibogu name helaḡa, idia danu hereva momokani ese baine hahelaḡadia helaoreana.

²⁰Dia idia mo sibodia daidiai na noimumu, a edia hereva amo bae abiabiraigu taudia danu daidiai na noimumu.

²¹Tamagu e, iboudiai na bae tamona; oi na lau lalogu ai bona lau na oi lalomu ai heḡereḡerena, idia danu ita laloda ai bae noho. Unu amo tanobada ese baine abia dae oi ese o siaigu.

²²Vada o henigu hairaina danu idia vada na henidia; taunabunai, idia na bae tamona, ita raruosi ta tamonamu heḡereḡerena.

²³Lau na idia lalodia ai, oi danu lau lalogu ai; taunabunai idia na bae hatamona ḡuḡuru. Bena tanobada na baine diba, oi ese vada o siaigu, bona oi ese o ura henidiamu, lau o ura henigumu heḡereḡerena.

²⁴Tamagu e, lau na uramu lau baina noho gabuna ai o henigu taudia danu bae noho, bena vada o henigu hairaina na bae itaia; badina be tanobada do so karaia negana ai oi ese o ura heniguva.