Jan Laabaalihamo 17:13-24

¹³Moala n kpendi a kani, n maadi laa maama ki da ye handuna nni, ke ban baa n yaa pamanli buolu cain.

¹⁴N waani ba a maama, handuna yaaba nani ba kelima baa go tie handuna yaaba, nani min ki tie handuna yua maama yeni.

¹⁵Mii mia han ñani ba handuna nni ka, ama han kubi ba ke o biado n da paadi ba.

¹⁶Baa tie handuna yaaba, nani min ki tie handuna yua maama yeni.

¹⁷Gagidi ki hanbi ba imoamoani nni kelima a maama tie imoamoani.

¹⁸Nani han den soani nni handuna nni maama n moko soani ba handuna nni yene.

¹⁹N gagidi ki hanbi n yuli apo bi nintuali, ke bani moko n gagidi ki hanbi bi yula apo imoamoani nni.

²⁰Mii mia ha bani bebe yaapo ka, ama n mia ha leni yaaba n baa tuo bi maama ki daani n yeli nni kuli yaapo.

²¹Ke ban tua yendo nani fini Baa han ye n niinni ke n mo ye a niinni maama, bani moko ntua yendo yeni ke handuna yaaba n daani ke fini n soani nni.

²²N puni ba han puni nni yaa kpiagidi ke ban tua yendo nani tin tie yendo maama.

²³N ye bi niinni amo ye n niinni ke ban tua yendo cain, ke handuna yaaba n bandi ke fini n soani nni, ki go bandi ke a bua ba nani han bua nni maama.

²⁴Baa, n bua ke min ye naani han puni nni yaaba yeni moko n yaa ye lankani, ke ban yaa nua n kpiagidi, han puni nni yaa kpiagidi kelima ha den bua nni hali ke handuna daa tagi.