يَيَ 17:13-24

¹³كْنْ ﭑ تٌ قَقٍ عِ يِرٍ نّ يِ كِ، ﭑ يِ قٍيٍ قَلَمَ دُنِحَ مَ، عَلَكٌ ﭑ مَ سّيوّ شَ لُ عٍ بّ، عَ شَ لُ عٍ بْحّ مَ عَ كَمَلِشِ رَ.

¹⁴ﭑ تٌ عِ شَ مَسٍنيِ قَلَ عٍ بّ، دُنِحَ بَرَ عٍ شْن، بَرِ مَ عٍ تٌندِشِ بِرَدٍ دُنِحَ قٍ قْشْ رَ عَلْ ﭑ قَن تٌ مُ تِنشِ بِرَدٍ دُنِحَ قٍ قْشْ رَ.

¹⁵ﭑ مُ عِ مَشَندِ مَ شّ عِ شَ عٍ تٌنفٌ دُنِحَ مَ. ﭑ عِ مَشَندِقٍ نّ عِ شَ عٍ رَتَنفَ سٍنتَنّ مَ.

¹⁶عٍ مُ بِرَ مَ دُنِحَ قٍ قْشْ رَ، عَلْ ﭑ قَن تٌ مُ لُمَ نَ قٍ مْولِ كُي.

¹⁷عِ شَ عٍ سَ عِ يّتّ نَن سَفٌي نْندِ كُي. عِ شُي نَن قِندِشِ نْندِ رَ.

¹⁸ﭑ بَرَ عٍ شّي دُنِحَ، عَلْ عِ قَن ﭑ شّي كِ نَشّ.

¹⁹ﭑ بَرَ ﭑ يّتّ سَ عِ سَفٌي عٍ بّ، عَلَكٌ عٍ تَن قَن، عٍ شَ سَ عِ سَفٌي نْندِ كُي.»

²⁰«ﭑ مُ دُبَمَ نَ مِشِيٍ فبَنسَن شَ بّ. ﭑ مَن دُبَمَ مِشِيٍ بّ نَشٍيٍ قَمَ دَنشَنِيَدٍ ﭑ مَ عٍ سَابُي رَ.

²¹ﭑ دُبَمَ نّ عٍ بّ عَلَكٌ عٍ شَ قِندِ كٍرٍن نَ، عَلْ ﭑ نُن عِ تَن ﭑ بَبَ عَلَ قِندِشِ كٍرٍن نَ كِ نَشّ. ﭑ مَن دُبَمَ عٍ بّ عَلَكٌ عٍ شَ قِندِ كٍرٍن نَ وٌن قْشْ رَ، وٌن بِرِن شَ قِندِ كٍرٍن نَ. نَ كُي، دُنِحَ نْمَ عَ كٌلٌندٍ عَ عِ تَن نَن ﭑ شّيشِ.

²²عِ بَرَ شُننَكٍلِ نَشَن قِ ﭑ مَ، ﭑ قَن بَرَ عَ قِ عٍ مَ، عَلَكٌ عٍ قَن شَ قِندِ كٍرٍن نَ، عَلْ وٌن تَن قِندِشِ كٍرٍن نَ كِ نَشّ.

²³ﭑ تَن نَ عٍ عِ، عِ قَن نَ ﭑ عِ، عَلَكٌ عٍ شَ كٍرٍنحَ شَ كَمَلِ. نَ كُي، دُنِحَ عَ كٌلٌنمَ نّ عَ عِ تَن نَن ﭑ شّيشِ، عَ عِ مَن عٍ تَن شَنُشِ عَلْ عِ ﭑ قَن شَنُشِ كِ نَشّ.»

²⁴«ﭑ بَبَ عَلَ، بٍينُن دُنِحَ شَ دَا، عِ نُ بَرَ نْرّ قِ ﭑ مَ عِ شَ شَنُنتٍيَ شَ قٍ رَ. عَ شْلِ ﭑ مَ ﭑ مَ مِشِيٍ، عِ نَشٍيٍ قِشِ ﭑ مَ، نٍيٍ قَن شَ لُ ﭑ سّيتِ مَ عَرِيَننَ، عٍ شَ ﭑ مَ نْرّ تٌ.