João 17:13-24

¹³Papai koitywy areto i ra'yn ewawi mi'i tupono meiũwat ui'e hap ahenoi kahato uimohey haria pe i'atu­mo­wepit hamuat. Atiky­'esat kahato uiwepit hap ewy topy­hu'at i'atu­py'a pe yt areĩne'en i mesu­wa­rote hawyi. I'atu­mo­wepit hap sese atiky­'esat Papai are e.

¹⁴Ahenoi ra'yn ni eko uhemiit'in me Papai. Eko ewy ti ra'yn tukup­te'en i'ewyte ui'ewy te'e­ru­wa­nẽtup are. Mi'i pote yt imohey haria i yt i'atu­wese hin i ahete katu­pono yt i'atueko ewy hin i urutu­kup­te'en Papai are e.

¹⁵Papai eti'a­tu­'ywyk o uhemiit'in yt aimohey i haria py'a­setpyi yt are i. Ahẽtup epe ma'ato o eti'a­tu­'ywyk o uimohey re'ym haria porekuat ahiag po pyi uhemiit'in are ahẽtup Papai. Atiky­'esat kahato mesu­wa­ro­tiaria py'a­setpe tukup­te'en aru ahemiit i'atu­mu'e ahetiano hanuaria wo Papai are ma'ato tukup­te'en yt nakuaria i py'a­setpe turan eti'a­tu­moe­saika ahemiit'in esaika hamo wãi'e hamo yt naku i nug haria iã'ãg hap pupi are e.

¹⁶Katu­pono aheko yt mesu­wa­ro­tiaria eko ewy hin i ra'yn. I'ewyte ahemit­t'in aimohey haria yt irania'in wanẽtup haria ewywuat i tukup­te'en are e.

¹⁷Pywo kahato ti urunãpin En Papai. Ta'i ehay pywuano ro uhemiit'in moty­py'i En emiky­'esat ewywuat nug hanuaria wo. Mi'i tã etunug mote ti aru emiit'in sese wo ra'yn te'e­ro­py­hu'at ai'e­wywuat tukup­te'en ahemiit'in are e.

¹⁸Papai sa'a­wy'i uipo­'oro mesu­wa­ro­tiaria ehakye­ra'at hamo emiit nug hamuat uipo­'oro sa'a­wy'i. Koitywy En hap ewy ati'a­tu­po­'oro ahemiit'in wuat'i mesu­wa­ro­tiaria emiit nug hamuat aikotã uipo­'oro hap ewy are e.

¹⁹Papai epo pe hamuat ra'yn areĩne'en uiku­'uro iatuepiat rẽ. Mi'i hawyi torania uhemiit epo tukup­te'en Papai are. Ui'ywot ewanuat yn areĩne'en emiky­'esat nug hamuat are. Uito ewywuaria hap atiky­'esat kahato uimi­mu­'eria ewanuat yn emiky­'esat nug hanuaria hap atiky­'esat. Mi'i pote ati'a­tu­mu'e kahato mi'iria ehay pywuanuat ete. Ehay pywuanuat no ati'a­tuekyi uipot­mu­'eria ehowawi emiit'in yn no are e.

²⁰Papai yt uhemiit meiũwuaria 11 ok takaria upi yn i ahẽtup epe ma'ato i'ewyte ti meiũran nuaria uimohey haria meiũwuaria haipe­piaria upi ahẽtup epe i'atuehay upiat aimohey hanuaria upi are. I'atu­sai­pe­piaria aimohey hanuaria upi ahẽtup i'ewyte are e.

²¹Papai aikotã aiwa­nẽtup hap wẽtup yn hap ewy ahemiit'in wanẽtup hap ahẽtup ekaipyi are. Aikotã areĩne'en ekai i'ewyte ereĩne'en uikai mi'i hap ewy atiky­'esat aimi­mu­'eria tukup­te'en ahepe wẽtup miit hap ewy aito uruto hap ahẽtup Papai are. I'atu­wa­nẽtup hap aiwat ewy. Mi'i hawyi meremo mesu­wa­ro­tiaria yt aimohey haria i pywo i'atu'e. Meremo ta'a­tu­mohey Emipo­'oro wuat'i ehakye­ra'at hat Uito hap are e.

²²Papai sa'a­wy'i ere'e uhepe — Waku kahato En ui'ewy ere. Mi'i hap ewy koitywy are uhemiit'in me — Wakuaria kahato eipe ui'ewy are. Mi'i tã are i'atuepe katu­pono atiky­'esat mi'iria aiwo­'o­'e­wy­'ewy aiwa­nẽtup hap are e Iesui.

²³— Ui'ywot atiky­'esat En Uito ahemiit wẽtup miit ewy hap atiky­'esat are. Atiky­'esat ahemiit wakuat sese rakaria ahewaku hap ok tã hap atiky­'esat are. Aiwo­'o­'ewy kahato watoĩ­ne'en Papai En Uito ahemiit'in wywo wẽtup yn aiwa­nẽtup hap ko'i hap atiky­'esat are. Mi'i tupono mi'i aheka­tu­wyria sese ko'i ahehay enoi haria mesuwat yi totiat haria aru tukup­te'en are. Toi'a­tu­mu'e miit'in turan pywo sese ti i'atu'e irania'in Tupana Mipo­'oro Iesui aheha­kye­ra'at hamuat i'atu'e wanẽtup haria. Ta'i Tupana aiky'e kahato Tosa­'yru ky'e hap ewy aiky'e i'atu'e irania'in katu­pono hãpyk sese tukup­te'en ahemiit'in irania'in ehamo pote hap ahẽtup epe Ui'ywot are e.

²⁴Papai mesuwat yi nug hap e'yianmete uiky'e kahato En are. Ta'i sa'a­wy'i sese mesuwat yi yt etunug i te turan — Wakuat kahato En aiwo­'o­ky'e hap to'o­'ewy kahato ere uhepe Papai are. Atiky­'esat kahato uhemiit'in uimohey haria emiium ko'i tukup­te'en aru aiũpe aiũpe uheĩne'en sa'a­wy­'iwuat hap upi i are. Atiky­'esat uikahu hap kape te'e­ra­ha'at aru are. Atiky­'esat emiium uhewaku hap sese kuap hamo Papai are e.