YOHANA. 17:13-24

¹³Na sambisambi nokwiza kumwako, ila nozilonga mbuli zino kipigiti ning'hali muulumwengu, giladi ndeng'helelo yangu imeme mgati yao.

¹⁴Niwagwelela mbuli yako, na ulumwengu uwehila, kwavija hewo siyo wa ulumwengu, kamba vija nie vinili siyo wa ulumwengu.

¹⁵Sikupula gweye uwalave muulumwengu, ila kinilonda kumwako uwemilize kulawa ha Mwenembago.

¹⁶Hewo siyo wa ulumwengu, kamba vija nie vinili siyo wa ulumwengu.

¹⁷Wang'alize na kweli yako. Mbuli yako iyo kweli.

¹⁸Kamba gweye vuunhumile nie muulumwengu, na nie niwatuma hewo muulumwengu.

¹⁹Noing'aliza sama yao, giladi na hewo vivija wang'alizwe kweli kweli.

²⁰“Siwatambikila wano weiyeka, ila vivija awo wondawanitogole kubitila usenga kulawa mwa wano.

²¹Nowatambikila giladi wose wawe kinhu kimwe. Tata! Kamba gweye vuuli mgati yangu nie na nie vinili mgati yako gweye, na hewo vivija wawe mgati yetu tweye, giladi ulumwengu utogole kamba gweye iyo unhumile.

²²Niwagwelela yenzi kamba iija yuungwelele nie, giladi wawe kinhu kimwe kamba vija gweye na nie vituli kinhu kimwe.

²³Nie na mgati yao na gweye kwa mgati yangu, giladi wawe kinhu kimwe kabisa, na ulumwengu uvitange kamba gweye iyo unhumile, na kuwanogela kamba vuuninogele nie.

²⁴“Tata! Nolonda wano yuungwelele wakale hamoja na nie haja hondanikale, giladi wayone yenzi yangu yuungwelele, kwavija gweye kuninogela nie songela ulumwengu haunalumbigwa.