San Juan 17:13-24

¹³Lao pago mato yo iya jago; ya estesija jusasangan gui tano para y minagofjo ubula guiya sija.

¹⁴Guajo guinin numae sija ni y sinanganmo; ya y tano manchinatlie sija; sa sija ti iyon y tano, parejoja yan guajo ti iyon y tano.

¹⁵Ti jutayuyut jao na unnajanao gui tano, lao unadaje sija gui tinaelaye.

¹⁶Sija ti iyon y tano, parejo yan guajo ti iyon y tano.

¹⁷Nagasgas sija pot y minagajetmo; y sinanganmo güiya minagajet.

¹⁸Taegüenao jago tumago yo gui tano, parejoja guajo locue munajutago sija gui tano.

¹⁹Ya pot sija, juconsagra yo namaesa, para sija locue ufangasgas pot y minagajet.

²⁰Ta ti sijaja jutayuyute, lao ayo sija locue y jumonggue yo pot y sinanganñija.

²¹Sa para todo sija ufanunoja; parejoja yan jago, Tata, gaegue jao guiya guajo, ya guajo gaegue guiya jago; sija locue ufanunoja guiya jita; para ujonggue y tano na jago tumago yo.

²²Ya y minalag nu y unnae yo, junae sija: para ufanunoja parejo yan jita unoja.

²³Guajo guiya sija, ya jago guiya guajo, para ufancabales gui unoja; ya para utungo y tano, na jago tumago yo, ya ungüaeya sija, parejoja yan güinaeyamo nu guajo.

²⁴Tata! ayosija y unnae yo, malago yo na manoyo nae gaegue, sija ufangaegue locue; para ujalie y minalagjo ni y unnae yo; sa unguaeya yo antes di jiniyong y tano.