uYohana 17:13-24

¹³Itungili napembyaa kitolako; kuiti kumaligitya aya mu unkumbigulu iti kina iloeelya ni lane likondaniile mukati ao akola.

¹⁴Nainkiilya ikani nilako; u unkumbigulu waabipilwaa ku nsoko i enso shanga a unkumbigulu, anga iti unene ni shanga ntuile nia unkumbigulu.

¹⁵Shanga kualompelya kina uaheje mu unkumbigulu ila uasunje nu uyo u mubii.

¹⁶Nianso shanga ihi anga iti unene ni shanga ntuile nia mu unkumbigulu.

¹⁷Uaike mu ikulyo kitalako mu kola mu tai; lukani nulako lulo tai.

¹⁸Ai undagiiye mu unkumbigulu, nu nene na alagiilya mu unkumbigulu.

¹⁹Kunsoko ao unene mukola kipumyaa kitalao iti kina ni enso ipumye ki tolako ku iyo itai.

²⁰Shanga wawa duu ni kualompelya, ila ni awo ni ikahuiila kukiila lukani nulao

²¹iti kina ni enso atule nu ung'wi, anga iti uewe Tata, nuili mukati ane nu nene mukati ako. Kualompelya iti kina ni enso ga ahume kutula mu kati itu iti u unkumbigulu uhume kuhuiila kina uewe yuyo ai undagiiye.

²²Ikulyo ilo nai uninkiiye unene - nainkiilya enso, iti kina ahume kutula nu ung'wi, anga iti usese ni kili ung'wi -

²³Unene mukati ao, nu ewe mukati ane, iti ahume kukondeeligwa mu ung'wi; iti u unkumbigulu ulinge kina kulu kuulu uewe yuyo nai undagiiye, nu kualowa, anga iti uewe nuizaa undoilwe, unene.

²⁴Tata, iko nai uninkiiye unene - Nkete nsula kina ni enso ga ahume kutula palung'wi nu nene kianza ni nkoli iti ahume kihenga ikulyo nilane, ilo nai uninkiiye: ku nsoko uewe ai undoilwe unene ze ikili kuumbwa u musingi nua unkumbigulu.