Uyuhana 17:13-24

¹³Ana me in ahira ashi me; Tize tigeme izinu boo me anyimo unee, bzrki wa kem iriba irum im imyinca muruba muwe me.

¹⁴Ma nya we tize tuwe me; Unee wa g we barki we azo anu nee waniba, aneni mi azo unu nee mani ba.

¹⁵Inda wuzam biringara uziki we anyimo unee ba, biringara bum uhari we nan imum ibur.

¹⁶Azo we anu unee wani ba, ane ani me azo unu nee mani ba.

¹⁷Kpicuwe anyimo akadure; Tize tuwe me tine tini kadure.

¹⁸Kasi sa wa tumum anyimo unee, ane ani ma tumu we anyimo unee.

¹⁹Barki we wani izinu kpico unice num, barki we wa kpici ace awe me in kadure.

²⁰Azo barki agino ana cas inzi biringara ba, barki anagino sa wa nya kadure ahira am ahira boo utize tuwe me.

²¹Barki we vat wa cukuno a inde; Kasi huu aco, ura anyimo am, me anyimo awe, barki we wa cukuno anyimo aru; Barki unee u hem hamani wa tumam.

²²Ni nonzo sa wa nyam, ma nya we; Barki wa cukuno a inde kasi haruna inde wani.

²³Mi anyimo awe, huu anyimo am, bark wa cukuno a inde kan, barki unee urusi wa tumam, wa wuna usu uwe wa kuru wa hem in mi.

²⁴Aco, ande sa wa nyam, in nyara wa cukuno ahira sa irani, nigome nan mi; Barki wa iri ninonzo num, sa wa nyam wa wu usu um ada amu tuba unee ba.