San Juan 17:13-24

¹³’Yan yaguialan lod zaꞌl, per canen zian laꞌtgaj zaꞌn loj guidxliuj guie, din chuꞌ luxdoo reeman zagdxe, ziꞌc yuꞌ luxdon zagdxe.

¹⁴Ma balün laa reeman xtiidxil, zeel ralen ree bénguidxliuj laa reeman guial ad najt reeman bénguidxliuj, ziꞌcgajc ad najtan bénguidxliuj.

¹⁵Ad rniaabtan yabëël laa reeman loj guidxliuj, rënan guinial laa reeman, chitëë güün reeman ni mal.

¹⁶Ad najt reeman bénguidxliuj, ziꞌcgajc naj.

¹⁷Basia reeman con xtiidxil, din laan na̱j ni diidxli.

¹⁸Ziꞌc guxhaalil naj loj ree bénguidxliuj, ziangajc rixhial ree da bejnan loj reeman.

¹⁹Por laa reeman rudëd da guialnabanan din gac reeman xbejnl diidxliczi.

²⁰Basnuu Jesús, rëbaman: ―Ad por laatzi reeman rbedx rniaaban lüj, në por ree bén chililadx chi gucaagdiajg reeman ni guiniee reeman.

²¹Rniaaban lojl din guchajg lasaꞌ reeman din yayajcnëꞌ reeman tijbzi, Dad, ziꞌc zaꞌnël naj ziangajc zaꞌnëꞌn lüj, ziangajc sunë lasaꞌ reeman. Din chililadx ree bejn lüj guxhaal naj.

²²Badëdan guialrniabee baneel loj reeman, din gac reeman tijbzi ziꞌc nayajc,

²³naj zaꞌnëꞌ laa reeman, guiáad lüj zaꞌnël naj. Zeel gac reeman tijbzi din gagbee ree bejn, lüj guxhaal naj rën tëël laa reeman ziꞌc rënl naj.

²⁴’Dad, lüj banee laa reeman lon, zeel rënan su reeman lod gazun din guguiaa reeman biani baneel lon, din guyënl naj diizd chi gad guidxliuj gacchaaw.