Ayup 15

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Témanliq Élifaz buninggha jawaben mundaq dédi: —

²Danishmen kishining quruq shamaldek sepsete bilen jawab bérishi toghrimu? Danishmen qorsiqini issiq meshriq shamili bilen toyghuzsa bolamdu?

³Paydisiz sözler bilen, Tayini yoq gepler bilen munazirilishishi muwapiqmu?

⁴Berheq, sen iman-ixlasni yoq qiliwetmekchisen, Xudaning aldida dua-istiqametke tosalghu bolisen.

⁵Chünki qebihliking aghzinggha söz salidu, Sen mekkarlarning tilini tallap qollinisen.

⁶Men emes, belki öz aghzing özüngning gunahingni békitidu, Öz lewliring sanga qarshi guwahliq béridu.

⁷Sen insanlar ichide tunji bolup tughulghanmu? Sen tagh-dawanlardin awwal apiride bolghanmu?

⁸Tengrining mexpiy kéngishini anglap kelgenmusen? Danaliq sen bilenla cheklinemdu?

⁹Sen bilgenlerni bizning bilmeydighanlirimiz barmu? Sen chüshen'genni bizning chüshenmeydighinimiz barmu?

¹⁰Aqsaqallar hem qérilar bizning teripimizde turidu, Ular séning atangdinmu yashta chongdur.  

¹¹Tengrining teselliliri, Yeni sanga mulayimliq bilen éytqan mushu söz sen üchün azliq qilamdu?

¹²Némishqa köngülning keynige kirip kétisen? Közüngni némige parqiritisen?

¹³Shundaq qilip sen rohingni Tengrige qarshi turghuzdung, Éghizingdin shundaq sözlerning chiqishigha yol qoyuwatisen!

¹⁴Insan néme idi? Öz-özini pakliyalighudek? Anidin tughulghan adem balisi néme idi? Heqqaniy bolalighudek?

¹⁵Qara, Xuda Öz muqeddeslirigimu ishenmigen yerde, Asmanlarmu uning neziride pak bolmighan yerde,  

¹⁶Yirginishlik bolghan, sésip ketken, Qebihlikni su ichkendek ichidighan insan balisi zadi qandaq bolar?

¹⁷Men sanga körsitey, manga qulaq sal; Közüm körgenni bayan qilmaqchimen.

¹⁸Danishmenler ata-bowiliridin bularni anglighan, Yoshurmay bularni bayan qilghan: —

¹⁹(Peqet shularghila, yeni ata-bowilirighila yer-zémin tapshurulghanidi, Ularning arisidin yat adem ötüshke pétinalmaytti)

²⁰— Rezil adem barliq künliride azablinidu, Zalim kishige yillar sanaqliqla békitilgendur.

²¹Uning quliqigha wehimilerning awazi kiridu, Bayashatliqida bulangchi uning ustige bésip chüshidu.

²²Qarangghuluqtin qutulushqa uning közi yetmeydu, U qilich bilen chépilishqa saqlan'ghandur.

²³U ash izdep: «Zadi nedin tépilar?» dep yolda ténep yüridu, U zulmet künining uninggha yéqinlashqanliqini bilidu.  

²⁴Derd-elem hem azab uninggha wehime qilidu, Hujumgha teyyar bolghan padishahtek uning üstidin ghelibe qilidu.

²⁵Chünki u Tengrige qarshi qolini kötürgen, Hemmige qadirgha küch körsetmekchi bolghan,

²⁶Shunga u boynini qattiq qilip, Köp qewetlik qalqanni kötürüp uninggha qarap étilidu.

²⁷Yüzini yagh basqan bolsimu, Béqinliri semrep ketken bolsimu,

²⁸U xarabe sheherlerde, Adem qon'ghusi kelmeydighan, Kések düwiliri bolushqa békitilgen öylerde yashaydu;

²⁹U héch béyimaydu, Uning mal-mülki bolsa üzülüp qalidu, Uning teelluqatliri zémin üstide kéngeymeydu.

³⁰U qarangghuluqtin qéchip qutulalmaydu, Yalqun uning shaxlirini köydürüp qurutidu, Xudaning bir nepisi bilen u dunyadin kétidu.

³¹U saxtiliqqa tayanmisun! U aldinip ketken, shunga saxtiliqning özi uning inami bolidu;

³²Uning küni téxi toshmay turupla, Uning shéxi téxi kökirip bolmayla, bu ishlar emelge ashurulidu.

³³Üzüm téli silkinip, tong üzümler chüshürüwétilgendek, Zeytun derixining chéchiki échilipla tökülüp ketkendek bolidu.

³⁴Chünki iplaslarning jemeti tughmas bolidu, Ot para yégenlerning chédirlirini köydüriwétidu.

³⁵Biraq ular herdaim yamanliqni oylap, qebihlik tughduridu, Könglide haman hiyle-mikir teyyarlaydu.