Ayup 8

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Andin Shuxaliq Bildad jawaben mundaq dédi: —

²«Sen qachan'ghiche mushularni sözleysen? Aghzingdiki sözler küchlük shamaldek qachan'ghiche chiqidu?

³Tengri adaletni burmilighuchimu? Hemmige Qadir adilliqni burmilamdu?

⁴Séning baliliring Uning aldida gunah qilghan bolsa, U ularnimu itaetsizlikining jazasigha tapshurghan, xalas.

⁵Biraq eger özüng hazir chin könglüngdin Tengrini izdisengla, Hemmige Qadirgha iltija qilsangla,

⁶Eger sen sap dil hem durus bolghan bolsang, Shübhisizki, U sen üchün oyghinidu, Choqum séning heqqaniyliqinggha tolghan turalghungni güllendüridu.

⁷Sen deslepte étibarsiz qaralghan bolsangmu, Biraq sen axirida choqum téximu güllinisen.

⁸Shunga sendin ötüneyki, ötkenki dewrlerdin sorap baqqin, Ularning ata-bowilirining izdinishlirigimu köngül qoyghin

⁹(Chünki biz bolsaq tünügünla tughulghanmiz; Künlirimiz peqet bir saye bolghachqa, héchnémini bilmeymiz).  

¹⁰Sanga körsetme bérip ögeteleydighan ular emesmu? Ular öz könglidikini sanga sözlimemdu?

¹¹Latqa bolmisa yékenler égiz öselemdu? Qomushluqtiki ot-chöpler susiz öselemdu?

¹²Ular yéshil péti bolup, téxiche orulmighan bolsimu, Herqandaq ot-chöptin téz tozup kétidu.

¹³Tengrini untughan kishilerning hemmisining aqiwetliri mana shundaqtur; Iplaslarning ümidi mana shundaq yoqqa kéter.

¹⁴Chünki uning tayan'ghini chürük bir nerse, xalas; Uning ishen'gini bolsa ömüchükning toridur, xalas.

¹⁵U öz uwisigha yölinidu, biraq u mezmut turmaydu; U uni ching tutuwalghan bolsimu, biraq u berdashliq bérelmeydu.

¹⁶U quyash astida kökligen bolsimu, Uning pilekliri öz béghini qaplighan bolsimu,

¹⁷Uning yiltizliri tash döwisige chirmiship ketken bolsimu, U tashlar arisida orun izdigen bolsimu,

¹⁸Lékin Xuda uni ornidin yuliwetse, Ashu yer uningdin ténip: «Men séni körmigen!» — deydu.

¹⁹Mana uning yolining shadliqi! Uningdin kéyin ornigha bashqiliri tupraqtin ünidu.

²⁰Qara, Xuda durus ademni tashlimaydu, Yaki yamanliq qilghuchilarning qolini tutup ularni yölimeydu.

²¹U yene séning aghzingni külke bilen, Lewliringni shadliq awazliri bilen tolduridu,

²²Sanga nepretlen'genlerge shermendilik chaplinidu, Eskilerning chédiri yoqitilidu».