Ayuba 4

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Elifasi Temanka naxa a fala,

²«Ayuba, i haakɛ to n bɛ n xa wɔyɛn. N mu nɔma dundude.

³I bara mixi gbegbe xaran, i bara e ralimaniya.

⁴I xa masenyie bara mixie mali, i xa wɔyɛnyie bara e sɛnbɛ so.

⁵Yakɔsi i tan nan to fa na tɔɔrɔfe, limaniya bara ba i tan yi.

⁶I mu i xaxili ti i xa danxaniya ra Ala ma? I mu lama i xa tinxinyi ra?

⁷I bara mixi fanyi to halakixi tɔɔrɛ ma? Tinxintɔɛ nɔma bɔnɔde?

⁸N naxan nakɔrɔsixi, fe ɲaaxi rabae nan tɔɔrɔma.

⁹Ala e xun nakanama a xa xɔnɛ kui.

¹⁰Yɛtɛ xa yirindinyi nun baratɛ xa ɲarandanyi magaaxu, kɔnɔ e ɲinyie fama nɛ magirade.

¹¹Yɛtɛ yati faxama kaamɛ ra, a xa die yensen yɛ.»

¹²«Masenyi nde bara fala n bɛ a gundo ki ma, n tuli bara a makɔlikɔli xui mɛ.

¹³Xiye sa tɛmui kɔɛ tagi,

¹⁴gaaxui naxa n suxu han n fate naxa sɛrɛn.

¹⁵Tubari nde naxa dangi n ya i. N fate xabee naxa keli, e ti.

¹⁶Tubari nu tixi naa. N a to nɛ, kɔnɔ mixi yo a ra n mu a kolon. N bara mixi maniyɛ tan to. N naxa xui nde mɛ yi makɔlikɔli ra,

¹⁷‹Adamadi tinxin Ala ya i? A sɛniyɛn a Marigi ya i?

¹⁸Xa Ala mu la a xa malekɛe ra a xa walikɛe, xa a tantanyi toma nee ma,

¹⁹ibunadama go, naxan yailanxi bɛndɛ ra, naxan nɔma iwurude alɔ kaari?

²⁰Adamadie faxama lɔxɔ yo lɔxɔ, sese mu na kanama.

²¹E xa simaya luuti bolonma nɛ, e faxa fahaamutareɲa kui.›»