Зәбур 148:7-13

⁷Пәрвәрдигарни зиминдин мәдһийиләңлар, Деңиздики барлиқ әҗдиһалар, деңизниң барлиқ тәглири;

⁸От, мөлдүз, қар, туман, Униң сөзигә әмәл қилидиған җудунлуқ шамал;

⁹Тағлар һәм барлиқ дөңләр, Мевилик дәрәқләр, барлиқ кедир дәрәқлири,

¹⁰Явайи һайванлар, барлиқ мал-варанлар, Өмилигүчиләр һәм учар-қанатлар;

¹¹Җаһан падишаһлири вә барлиқ қовмлар, Әмирләр һәм йәр йүзидики барлиқ һаким-сотчилар;

¹²Һәм жигитләр һәм қизлар, Бовайлар вә яшлар, —

¹³Һәммиси Пәрвәрдигарниң намини мәдһийилисун; Чүнки пәқәтла Униң нами алийдур; Униң һәйвити йәр һәм асмандин үстүн туриду.