Zaburi 84:4-12

⁴Wamebarikiwa wale ambao huishi katika nyumba yako; nao hukusifu wewe siku zote. Selah

⁵Amebarikiwa mtu yule ambaye nguvu zake ziko katika wewe, katika moyo wake mna njia kuu ziendazo mpaka Sayuni.

⁶Wanapopita katika bonde la machozi, hupata chemchem ya maji kwa ajili ya kunywa. Mvua ya vuli hulivika baraka.

⁷Huendelea toka nguvu hadi nguvu; kila mmoja wao katika sayuni huonekana mbele ya Mungu.

⁸Yahwe Mungu wa majeshi, sikia maombi yangu; Mungu wa Yakobo, usikilize nisemacho! Selah

⁹Ee Mungu, uiangalie ngao yetu; uwaangalie wapakwa mafuta wako.

¹⁰Kwa maana siku moja katika nyumba yako ni bora kuliko siku elfu mahali pengine. Ni bora niwe mlinzi wa mlango katika nyumba ya Mungu wangu, kuliko kuishi katika mahema ya waovu.

¹¹Kwa kuwa Yahwe Mungu ni jua letu na ngao yetu; Yahwe atatoa neema na utukufu; hazuii zuri lolote kwa wale ambao hutembea katika uadilifu.

¹²Yahwe wa majeshi, amebarikiwa mtu yule anaye kutumainia wewe.