Miti Mânec 84:4-12

⁴Ficgao juhuc mumuteŋ gae hati hegareeŋgopieŋ, jaŋere manape ʒerine ekac.

⁵Ŋiczi Zioŋ hata mana maŋ ehuc goraonec tâpiri bâfuaeŋgopieŋ, jaŋere manape ʒerine ekac.

⁶Jaŋe ʒâŋeuc wâneŋ fotâcnepie, opâ ʒâŋe fua raekac, â furic hoezi bâgunuckeekac.

⁷Rahuc tâpiri ɋâricnezi ɋâricne bâfuaeŋgopieŋ, eku Zioŋko Anutu gohec bâbâfuac eeŋgopieŋ.

⁸O Wofuŋ, Anutu Tâpiri Ɋuŋɋasaŋ Wofuŋ, go nunumu‐nane manac, Jakobore Anutu, go hazec râec.

⁹O Anutu, go maro‐nâŋec jukomeczi fitec wareoc, wokemaŋ ruacnekicnege ʒâŋe mai‐ticne honec.

¹⁰Gore hae ʒoŋao ʒoaŋ mocjaha juju izi fekac, hae gâcnao ʒoaŋ wâŋ tauseŋ jujuzi ine wahakac; Anutu‐nanere ficte motâc soŋaŋ dodoma, irec manape aŋacne eha, ŋic sindaŋne jaŋere ficko jujure takicnukac.

¹¹Wofuŋ Anutu e ʒoaŋ â maro hâcne, e aki anonoc â ʒâŋe biŋe tahac‐nâpoekac. Wofuŋ e siocmâc jueŋgopieŋ ŋic iŋucne jaŋe wiac biaŋne moc mi sakare‐jareekac.

¹²O Anutu Tâpiri Ɋuŋɋasaŋ Wofuŋ, ŋic gorao roweckeekac ere manape ʒerine ekac.