Zaburi 66:1-12

¹Mpigieni Mungu kelele za shangwe, nchi yote;

²Imbeni utukufu wa jina lake; mzitukuze sifa zake.

³Mwambieni Mugu, “Matendo yako yanatisha kama nini! Kwa ukuu wa nguvu zako maadui zako watajisalimisha kwako.

⁴Nchi yote watakuabudu wewe na watakuimbia wewe; wataliimbia jina lako.” Selah

⁵Njoni na mtazame kazi za Mungu; yeye anatisha katika matendo yake awatendeayo wanadamu.

⁶Aligeuza bahari kuwa nchi kavu; wao walitembea kwa mguu juu ya mto; huko tulishangilia katika yeye.

⁷Yeye anatawala milele kwa nguvu zake; macho yake yanachunguza mataifa; waasi wasijivune. Selah

⁸Mtukuzeni Mungu, enyi watu wa mataifa yote, sauti ya sifa zake isikike.

⁹Yeye atuwekaye hai, naye hairuhusu miguu yetu iteleze.

¹⁰Kwa maana wewe, Mungu, umetupima sisi, wewe umetupima kama inavyopimwa fedha.

¹¹Wewe ulituingiza sisi kwenye wavu; uliweka mzigo mzito viunoni mwetu.

¹²Wewe uliwafanya watu wasafiri juu ya vichwa vyetu; tulipita motoni na majini, lakini ukatuleta mahali pa wazi palipo salama.