يَبُرَ 66:1-12

¹بّيتِ نُن سُوكِ بّيتِبَيٍ شَ مَنفّ بّ عَدَ مَدِيٍ بِرِن شُي شَ عِتٍ سّيوّ رَ عَلَ بّ.

²وٌ شَ عَ شِلِ بِنيَ بّيتِ رَ، وٌ شَ عَ بِنيَ مَتْشْي رَ.

³وٌ شَ عَ قَلَ عَلَ بّ، «عِ شَ كَابَنَكٌي مَفَاشُ. عِ سّنبّ فبٌ هَن. هَلِ عِ يَشُييٍ سّرّنمَ عِ يَ رَ.

⁴دُنِحَ بِرِن عِ بَتُمَ، عٍ عِ بِنيَ بّيتِ رَ، عٍ عِ شِلِ مَتْشْ.» حّنفِ رَتٍ.

⁵وٌ قَ عَلَ شَ وَلِ مَتٌدٍ. عَ نَ قٍ رَبَ عَدَ مَدِيٍ تَفِ، نَ مَفَاشُ.

⁶عَ بَا قِندِ شَرٍ رَ، عَ مِشِ رَفِرِ شُرٍ مَ عٍ سَنيِ شَرَشِ رَ. نَ كُي، وٌن حّلّشِنمَ نّ عَ رَ.

⁷عَ دُنِحَ يَمَرِ مَ سّنبّ رَ عَبَدَن. عَ يَ تِشِ سِيٍ رَ، مَتَندِلَيٍ مُ نْمَ كٍلِدٍ سْنْن. حّنفِ رَتٍ.

⁸سِيٍ، وٌ شَ وٌن مَرِفِ عَلَ تَنتُ، وٌ شَ وٌ شُي رَ مِنِ عَ مَتْشْقٍ رَ.

⁹عَ بَرَ سِمَيَ قِ وٌن مَ، عَ مُ تِن وٌن شَ بِرَ،

¹⁰بَرِ مَ عَلَ وٌن بْحّ كٌلٌن. عَ بَرَ وٌن مَتٌ عَلْ مِشِ فبٍتِ مَتٌمَ كِ نَشّ عَ عَ رَشُنُ عَلَكٌ عَ فبِ شَ بَ.

¹¹عِ بَرَ مُشُ شُن تِ يّلّ كُي رَ، عِ مَن بَرَ كٌتٍ دْشْ مُشُ شُن مَ.

¹²عِ بَرَ عَ لُ مِشِيٍ شَ نْ مُشُ رَ، مُشُ شَ تْورْ يٍ نُن تّ شْورَ. كْنْ عَ رَحْنيِ، عِ بَرَ مُشُ شُن تِ دَشَمُي يِرٍ رَ.