Kap 66:1-12

¹Kap on Piŋkop gawak ɨmɨm kap. Kap yoŋ amɨn dakon kɨla amɨn do mandabi. Mɨktɨmon mɨŋat amɨn morap kɨsɨk kɨsɨk aŋek yaŋ tɨdaŋek Piŋkop aŋkɨsini.

²Kap yaŋek man madepni yaŋ aŋkɨsini. Man madepni madepsi yaŋ aŋkɨsini.

³Piŋkop yaŋsi iyɨni, “Yo morap asal uŋun wagɨl tagɨsisi. Tapmɨmgo uŋun madepsi, do uwalgo da madepsi pasolgoŋ.

⁴Mɨktɨmon amɨn morap gak gawak gamaŋ. Kap yaŋek mango yaŋ aŋkɨsaŋ.”

⁵Ji abɨŋek Piŋkop da yo agɨt uŋun pɨndatni. Yo masɨ masɨmɨ amɨn da binapmon agɨt uŋun do pɨndatni.

⁶Uŋun da Tap Gami aban kɨbɨdaŋ mɨktɨm kɨbɨrɨ yombem aŋakwan uŋudon da terɨ kɨnda wugɨwit. Ji abɨŋek mani yaŋ aŋkɨsino.

⁷Uŋun tapmɨmni madepsi, ae kɨla amɨn madep dagok dagogɨ mɨni egɨ wugɨsak teban. Egek amɨn da yo morap aŋ uŋun pakyaŋsi pɨndakdak. Do kwen wugɨk dɨma aŋ ɨmneŋ.

⁸Mɨŋat amɨn kabɨ morap ji Piŋkopnin aŋkɨsiŋakwa amɨn da wɨwɨkni nandani.

⁹Uŋun da kɨlanin aŋakwan sigɨn ekwamaŋ, ae sagalek dɨma nindapmaŋgaŋ.

¹⁰Piŋkop, amɨn da silwa soŋba gwaljɨgɨ mɨnisi aŋ uŋun da tɨlak gak da nin kɨlɨ paŋkewalgɨl.

¹¹Gak da nin paron baŋ tɨmɨkgɨl. Yaŋ aŋek ninon jɨgɨ madepsi yɨpmaŋ nimgul.

¹²Gak yum pɨndagaki uwal da obɨsi bamaŋ nimgwit. Aŋaki nin kɨndap ae pakbi madep kagagwan agɨpgumaŋ. Mani abɨsok gak da kokup tagɨsikon paŋabɨl.