Zaburi 25:1-21

¹Kwako, Yahwe, nayainua maisha yangu!

²Mungu wangu, ninaamini katika wewe. Usiniache niaibishwe; usiwaache maadui zangu wafurahie ushindi wao kwangu.

³Asiaibishwe mtu yeyote anaye kutumaini bali waaibishwe wale watendao hila bila sababu!

⁴Unijulishe njia zako, Yahwe; unifundishe njia zako.

⁵Uniongoze kwenye kweli yako na unifundishe, kwa kuwa wewe ni Mungu wa wokovu wangu; ninakutumainia wewe siku zote za maisha yangu.

⁶Kumbuka, Yahwe, matendo yako ya huruma na uaminifu wa agano lako; kwa kuwa vimekuwapo siku zote.

⁷Usizikumbuke dhambi za ujana wangu wala uasi wangu; Uniweke akilini mwako pamoja na uaminifu wa agano kwa zababu ya uzuri wa wako, Yahwe!

⁸Yahwe ni mzuri na mwenye haki; kwa hiyo yeye huwafundisha njia mwenye dhambi.

⁹Yeye huwaelekeza wanyenyekevu kwa kile kilicho sahihi na yeye huwafundisha wao njia yake.

¹⁰Njia zote za Yahwe ni za upendo wa kudumu na niaminifu kwa wote wanao tunza agano na maagizo ya amri zake.

¹¹Kwa ajili ya jina lako, Yahwe, unisamehe dhambi zangu, kwa kuwa ni nyingi mno.

¹²Ni nani ambaye anamuogopa Yahwe? Bwana atamfundisha yeye katika njia ambayo anapaswa kuichagua.

¹³Maisha yake yataenenda katika uzuri; na uzao wake utairithi nchi.

¹⁴Urafiki wa Yahwe ni kwa ajili ya wale wanao mheshimu yeye, naye hulifanya agano lake lijulikane kwao.

¹⁵Siku zote macho yangu yanamtazama Yahwe, kwa kuwa yeye ataifungua miguu yangu kwenye nyavu.

¹⁶Unigeukie mimi na unihurumie; kwa maana niko peke yangu na niliye matesoni.

¹⁷Maumivu ya moyo wangu yameongezeka; uniondoe katika dhiki hii!

¹⁸Tazama mateso yangu na taabu yangu; unisamehe dhambi zangu zote.

¹⁹Ona maadui zangu, kwa maana ni wengi; wananichukia kwa chuki ya kikatili.

²⁰Uyalinde maisha yangu na uniokoe; usiniache niaibishwe, Kwa kuwa kwako nakimbilia usalama!

²¹Uadilifu na unyofu vinihifadhi, kwa kuwa nina kutumainia wewe.