Psalm 25:1-21

¹MAING, i kin inong iong komui.

²Ai Kot, i liki komui, sauasa ia, pwe i ender sarodi, o ai imwintiti kan ender peren kida.

³Pwe karos me liki komui, sota pan sarodi, a me pan muei sang komui pan sarodi.

⁴Maing, kom kotin kasale ong ia al omui kan, o kotin padaki ong ia omui tiak kan;

⁵Kalua ia ni omui melel o kalolekong ia! Pwe komui ta ai Kot, me kin sausa ia, ran karos, i kin auiaui komui.

⁶Maing, kom kotin tamanda omui kalangan o omui kapunglol, me tapidar mon kaua.

⁷Re der kotin kupura dip en ai tikitik o ai sopeik; a kupura ia ni ar kapunglol o kalangan! Maing Ieowa.

⁸Ieowa me mau o lelapok, i me a kotin padaki ong me dipan akan pon al o.

⁹A kin kalua pung me luet akan, o a kotin padaki ong me luet akan al a.

¹⁰Al en Ieowa kan me dir en kalangan o melel ong ir, me kin kolekol a inau o masan akan.

¹¹Maing, kom kotin maki ong ia ai sapung kan me lapalap, pweki mar omui.

¹²Is ol, me kin lan Ieowa? A pan kotin padaki ong i duen al o, me a en pilada.

¹³Ngen e pan mi wasa mau o kaudaudok a pan aneki sap o.

¹⁴Ieowa kompoke pan me kin lan i, a pan kotin padaki ong i duen a inau.

¹⁵Mas ai kin ariri Ieowa ansau karos, pwe a pan kotin lapwada nä i kat sang nan insar.

¹⁶Kom kotin masan dong ia o maki ong ia, pwe ngai sapoupou o luet.

¹⁷Masak en mongiong i lalaudalar; kotin kalua ia sang nan ai apwal akan!

¹⁸Kom kotin mangi ai luet o ai kankangeranger, o kotin maki ong ia dip ai kan karos!

¹⁹Kom kotin mangi duen ai imwintiti kan, pwe re me toto, o re kin kailong kin ia ni ar aklapalap.

²⁰Kom kotin sinsila ai maur o dore ia la, kom kotin apwali ia, pwe i der namenokala, pwe i kin liki komui.

²¹Melel o pung en sinsila ia, pwe i auiaui komui.