Yaasu 12

1

2

3

4

5

6

7

8

9

10

11

12

13

14

15

16

17

18

19

20

21

22

23

24

¹Israa7eela asai Yorddaanoosa SHaafaappe arshsho baggaara de7iya Arnnoona Zanggaaraappe biidi Hermmoone Deriyaa gakkanaashin, qassi arshsho baggaara Yorddaanoosa garaa gakkanaashin de7iya biittaa kawota ubbaa xoonidi wotti ekkiis. He xoonettida kawoti hagaappe kaallidi xaafettidaageeta.

²Etappe issoi, Haseboona kataman uttida Amooretu Kawuwaa Sihoona. I Haaridosai Arnnoona Zanggaaraa lanqqiyan de7iya Aaro7era katamaappe denddidi, Amoonatu zawaa gakkanaassi de7iya Yaabooqa SHaafaa gakkees; he sohoi Gala7aade giyo biittaassi baggaa.

³I qassi arshsho baggaara Yorddaanoosa garaappe baggaa ekkidi, Galiila Abbaappe biidi, Beeti-Yashimoota katamaara kanttidi, Pisgga giyo deriyaappe garssa baggaara de7iya Maxine Abbaa gakkanaassi, biittata haariis.

⁴Hegaadankka, Rafaayetu zariyaappe wurssettan attida Baasaane biittaa Kawuwaa Ooga xooniis. Oogi Asttaaroota katamaaninne Ediraa7a kataman de7iis.

⁵I haaridoosai Hermmoone Deriyaa, Salaaka giyoosaa, Baasaane biittaa ubbaa biidi Gashuuranne Maa7ika asatu zawaa gakkees; qassi Gala7aade biittaappe baggaa ekkidi, biidi Haseboona Kawuwaa Sihoona zawaa gakkanaashin de7iya biittaa gakkees.

⁶GODAA ashkkarai Muuseenne Israa7eela asai ha kawota xoonidosona. Xoonin GODAA ashkkarai Muusee eta biittata Roobeela zaretussi, Gaada zaretussinne Minaase zaretuppe baggaassi shaakkidi immiis.

⁷Yaasunne Israa7eela asai Yorddaanoosa SHaafaappe arggo bagga biittan de7iya kawota ubbaa xoonidosona. He biittati Liibaanoosa Wombban de7iya Ba7aali-Gaadappe doommidi, tohossa baggaara Eedooma matan de7iya Halaaqa Deriyaa gakkoosona. Yaasu he biittata shaakkidi, Israa7eela zaretussi laata gade oottidi immiis.

⁸Immido biittati, gezziyaa, arggo baggaara de7iya bargguwaa, Yorddaanoosa garaa, Yihudaa Bazzuwaanne Neegeeba Bazzuwaa. He biittati kase Hiiteti, Amooreti, Kanaaneti, Parzzeti, Hiiwetinne Yaabuusati de7ido sohota.

⁹Israa7eela asai xoonido kawoti hageeta; Yarkko kawuwaa, Beeteele matan de7iya Aaya kawuwaa,

¹⁰Yerusalaame kawuwaa, Kebroona kawuwaa,

¹¹Yarmmuuta kawuwaa, Laakisha kawuwaa,

¹²Egiloona kawuwaa, Gezeera kawuwaa,

¹³Dabiira kawuwaa, Gedeera kawuwaa,

¹⁴Horima kawuwaa, Araada kawuwaa,

¹⁵Liibina kawuwaa, Adulaama kawuwaa,

¹⁶Maqqeeda kawuwaa, Beeteele kawuwaa,

¹⁷Taappuha kawuwaa, Hefeera kawuwaa,

¹⁸Afeeqa kawuwaa, Lasharoona kawuwaa,

¹⁹Madoona kawuwaa, Haxoora kawuwaa,

²⁰SHimirooni-Maroona kawuwaa, Akishaafa kawuwaa,

²¹Taa7inaaka kawuwaa, Magiddo kawuwaa,

²²Qaadeesa kawuwaa, Qarmmeloosan de7iya Yoqina7aama kawuwaa,

²³Doora gezziyan de7iya Doora kawuwaa, Gelggalan de7iya Goima kawuwaanne

²⁴Tirxxa kawuwaa. Eti muleera hasttamanne isiini kawota.