Josua 12

1

2

3

4

5

6

7

8

9

10

11

12

13

14

15

16

17

18

19

20

21

22

23

24

¹Iwe, ekewe aramasen Israel ra fen liapeni o fanüeni ewe fanü ötiuen ewe chanpupu Jortan seni ewe lemolun Arnon tori ewe chuk Hermon, pwal unusen ewe lemolun Jortan me peliötiu. Ra pwal akufu kingen ekei fanü.

²Ra akufu Sihon ewe kingen chon Amor mi nom lon Hespon. A nemeni ewe fanü seni Aroer mi nom lepökütiwen ewe lemolun Arnon, pwal ewe telinimw lukalapen ewe lemol tori ewe chanpupu Japok kiännin fanüen chon Amon. Iei esopun Kiliat.

³A pwal nemeni ewe lemolun Jortan tori ewe nomun Kaliläa me peliötiu, fetal ngeni Pet-jesimot, pwal tori ewe Setin Mäla ator ngeni fäsonun ewe chuk Piska me peliör.

⁴Ra pwal akufu Ok ewe kingen Pasan, eman me lein ekewe mwirimwirin Refa mi chüen manau, a nom lon Astarot me Etrei.

⁵A nemeni ewe chuk Hermon me Saleka me unusen ewe fanü Pasan tori kiännin fanüen chon Kesur me chon Makat, pwal esopun Kiliat tori kiännin fanüen Sihon ewe kingen Hespon.

⁶Iwe, Moses nöün ewe Samol mi Lapalap we chon angang me ekewe aramasen Israel ra akufu ekei ruoman king. Nge Moses a ngeni chon ekewe ainangen Rupen me Kat pwal ewe esopun ainangen Manasa fanüer pwe repwe fanüeni.

⁷Iwe, Josua me ekewe aramasen Israel ra akufu ekewe king meinisin mi nom pelilotoun ewe chanpupu Jortan seni Paal-kat mi nom lon ewe lemolun Lepanon tori ewe chuk Halak mi nom ör arap ngeni Etom. Iwe, Josua a ngeni ekewe ainangen Israel fanüer pwe repwe fanüeni lon ükükün en me inetin.

⁸A ngeniir ewe fanü mi chukuchukutä me ewe fanü tekison, ewe lemolun Jortan me ewe fanü mi pal, ewe fanüapö me ewe fanü Nekep. Ekei fanü fanüen chon Hit, chon Amor, chon Kanaan, chon Peris, chon Hiw me chon Jepus.

⁹Ikkei ir kingen ekewe telinimw Josua me ekewe chon Israel ra akufu: Ewe kingen Jeriko me ewe kingen Ai mi nom lükün Petel,

¹⁰ewe kingen Jerusalem me ewe kingen Hepron,

¹¹ewe kingen Jarmut me ewe kingen Lakis,

¹²ewe kingen Eklon me ewe kingen Keser,

¹³ewe kingen Tepir me ewe kingen Keter,

¹⁴ewe kingen Horma me ewe kingen Arat,

¹⁵ewe kingen Lipna me ewe kingen Atulam,

¹⁶ewe kingen Maketa me ewe kingen Petel,

¹⁷ewe kingen Tapua me ewe kingen Hefer,

¹⁸ewe kingen Afek me ewe kingen Lasaron,

¹⁹ewe kingen Maton me ewe kingen Hasor,

²⁰ewe kingen Simron-meron me ewe kingen Aksaf,

²¹ewe kingen Tanak me ewe kingen Mekito,

²²ewe kingen Ketes me ewe kingen Jokneam lon Karmel,

²³ewe kingen Tor lon Nafat-tor me ewe kingen Koiim lon Kaliläa

²⁴pwal ewe kingen Tirsa. Iwe, iteiten ekewe king meinisin ükükün ilik me eman.