Yosuwe 12

1

2

3

4

5

6

7

8

9

10

11

12

13

14

15

16

17

18

19

20

21

22

23

24

¹Mangɛe nan ya Isirayilakae nɔ naxee ra, e e xa taae tongo Yurudɛn sogetede biri ra, fɔlɔfe Arinon xure ma, a sa dɔxɔ Xerimon geya ra, han a sa Yurudɛn gulunba birin li sogetede biri:

²Amori mangɛ Sixɔn, naxan nu sabatixi Xɛsibɔn, a xa mangɛya nu fɔlɔma Aroweri, naxan tixi Arinon xure dɛ ra, han a sa dɔxɔ Yaboko xure ra, Amoni naaninyi. Yi birin nu findixi Galadi bɔxi sɛɛti keren nan na.

³A man naxa Yurudɛn gulunba sogetede fan yaamari, kelife Kinereti Baa han Fɔxɔɛ Baa Yurudɛn gulunba ra, Beti Yesimoti taa na dɛnnaxɛ. A xa bɔxi nu sigaxi itala ra yirefanyi biri ra han Pisiga geya ra.

⁴Basan mangɛ Ogo, Refa bɔnsɔɛ mixi dɔnxɔɛ nde, naxan nu dɔxɔxi Asataroti nun Edereyi taae.

⁵A xa mangɛya nu fɔlɔma Xerimon geya nan ma, a siga Salaka, han a sa Basan bɔxi birin li. A xa mangɛya naaninyi nu na Gesurikae nun Maakakae xa bɔxi nan fɛ ma. Yi birin nu findixi Galadi sɛɛti boore nan fan na, han Xɛsibɔn mangɛ Sixɔn xa mangɛya fɔlɔde.

⁶Annabi Munsa, Alatala xa konyi nun Isirayilakae naxa nɔ na mangɛe birin na. Alatala xa konyi Annabi Munsa naxa e xa ɲamanɛ so Ruben bɔnsɔɛ, Gadi bɔnsɔɛ, nun Manasi bɔnsɔɛ sɛɛti keren yi ra, mɛnni xa findi nee gbe ra.

⁷Mangɛyae nan ya Yosuwe nun Isirayilakae naxee masɔtɔ Yurudɛn kiri ma sogegorode, fɔlɔfe Bali Gadi ma Liban gulunba, han Xalaka geya Seyiri biri ra. Yosuwe naxa yi bɔxi birin itaxun Isirayila bɔnsɔɛe ma, kankan xa a gbe kɛ sɔtɔ.

⁸E bɔxi naxee sɔtɔ na birin nalanxi na, Isirayila geyae, Sefela bɔxi, Yurudɛn gulunba, gbengberen yire, nun Negewi gbengberenyi nan na. Xitikae, Amorikae, Kanaankae, Perisikae, Hiwikae, nun Yebusukae nan nu sabatixi mɛnni.

⁹Mangɛe nan ya e nɔxi naxee ra: Yeriko mangɛ, Ayi mangɛ naxan nu na Beteli fɛ ma,

¹⁰Darisalamu mangɛ, Xebiron mangɛ,

¹¹Yaramuti mangɛ, Lakisi mangɛ,

¹²Egilon mangɛ, Geseri mangɛ,

¹³Debiri mangɛ, Gederi mangɛ,

¹⁴Horoma mangɛ, Aradi mangɛ,

¹⁵Libina mangɛ, Adulama mangɛ,

¹⁶Makeda mangɛ, Beteli mangɛ,

¹⁷Tapuwa mangɛ, Xeferi mangɛ,

¹⁸Afeki mangɛ, Lasarɔn mangɛ,

¹⁹Madon mangɛ, Xasori mangɛ,

²⁰Simiron Meron mangɛ, Akisafa mangɛ,

²¹Taanaki mangɛ, Megido mangɛ,

²²Kedesi mangɛ, Yokanayimi mangɛ naxan nu na Karemele biri,

²³Dɔrɔ mangɛ, naxan nu na Dɔrɔ bɔxi ma, Goyimi mangɛ naxan nu na Giligali bɔxi ma,

²⁴nun Tirisa mangɛ. Na birin nalanxi, mangɛ tongo saxan a nun keren.