Joshua 12

1

2

3

4

5

6

7

8

9

10

11

12

13

14

15

16

17

18

19

20

21

22

23

24

¹Israel ca rhoek loh khohmuen manghai a ngawn tih a khohmuen te khocuk kah Jordan rhalvangan Arnon soklong lamkah Hermon tlang, khocuk kolken boeih,

²Aroer lamloh a taem a rhai tih Heshbon ah Amori manghai Sihon loh a ngol thil Arnon soklong hmoi neh soklong bangli, Gilead ngancawn neh Ammon ca rhoek kah khorhi Jabbok soklong due,

³Khocuk kah Kinnereth tuili kolken neh khocuk kah lungkaeh tuili kolken kah tuili due, Bethjeshimoth longpuei neh tuithim kah Pisgah tuibah kungdak khaw,

⁴Ashtaroth neh Edrei ah aka ngol Rapha hlangrhuel, Bashan manghai Oga khorhi khaw,

⁵Hermon tlang neh Salkhah, Bashan pum neh Geshuri khorhi duela aka taem, Maakathi neh Heshbon manghai Sihon khorhi Gilead ngancawn te khaw a loh uh.

⁶Amih te BOEIPA kah sal Moses neh Israel ca rhoek loh a tloek tih Reuben, Gad neh Manasseh koca hlangvang taengah BOEIPA kah sal Moses loh rho la a phaeng.

⁷Khohmuen manghai rhoek te Joshua neh Israel ca rhoek loh a tloek tih Jordan rhalvang khotlak ah Lebanon kolbawn Baalgad lamloh Seir la aka luei Halak tlang duela amamih boelnah bangla Israel koca rhoek te Joshua loh rho la a phaeng.

⁸Tlang neh kolrhawk, kolken neh tuibah, khosoek neh Negev kah Khitti, Amori, Kanaan, Perizzi, Khivee neh Jebusi khaw a ngawn.

⁹Te vaengah Jerikho manghai pakhat, Bethel kaep kah Ai manghai pakhat,

¹⁰Jerusalem manghai pakhat, Hebron manghai pakhat,

¹¹Jarmuth manghai pakhat, Lakhish manghai pakhat,

¹²Eglon manghai pakhat, Gezer manghai pakhat,

¹³Debir manghai pakhat, Geder manghai pakhat,

¹⁴Hormah manghai pakhat Arad manghai pakhat,

¹⁵Libnah manghai pakhat, Adullam manghai pakhat,

¹⁶Makkedah manghai pakhat, Bethel manghai pakhat,

¹⁷Tapuah manghai pakhat, Hepher manghai pakhat,

¹⁸Aphek manghai pakhat, Lasharon kah manghai pakhat,

¹⁹Madon manghai pakhat, Hazor manghai pakhat,

²⁰Shimronmeron manghai pakhat, Akshaph manghai pakhat,

²¹Taanakh manghai pakhat, Megiddo manghai pakhat,

²²Kedesh manghai pakhat, Karmel kah Jokneam manghai pakhat,

²³Dore khamyai kah Dore manghai pakhat Gilgal kah namtom manghai pakhat,

²⁴Tirzah manghai pakhat neh manghai boeih he sawmthum pakhat lo uh.