IOSUA 12

1

2

3

4

5

6

7

8

9

10

11

12

13

14

15

16

17

18

19

20

21

22

23

24

¹Hanua pavapavadia una tano ai, Israel taudia ese e hadareredia bona edia tano e abi, Ioridane sinavaina mairiveina kahana ai, Aranon kourana ela bona Heremon ororona bona Araba taorana idoinai mairiveina kahana ai, ladadia bini.

²Ta be Sihon, Amoro pavapavana: ia na Hesebon ai e nohova. E halohiaiava tanona na Aroere amo, Aranon kourana isena ai, bona koura bogaragina amo ela bona labok sinavaina, Amono taudia edia tano hetoana. Una na Gilead tanona kahana.

³Bona Araba tanona danu iena, Kineroto gohuna mairiveina kahana amo ela bona Bet-iesimoto, ela bona Araba gohuna (Tadi Gohuna), bona diho kahana tanona ela bona Pisga ororona badi-tanodia.

⁴Ma ta be Og, Basan pavapavana, Refaim tauna ta: ia na Astaroto ai bona Edrei ai e nohova.

⁵E halohiadiava tanodia na Heremon ororona bona Saleka bona Basan tanona idoinai ela bona Gesuru taudia bona Maakata taudia edia tano hetoadia. Gilead tanona kahana danu iena, ela bona Sihon, Hesebon pavapavana, ena tano hetoana.

⁶Iehova ena hesiai tauna Mose bona Israel taudia ese e hadareredia; bena Iehova ena hesiai tauna Mose ese idia raruosi edia tano e abi, Ruben iduhuna taudia bona Gad iduhuna taudia bona Manase iduhuna kahana taudia e henidia, edia tano ai bae halaoa.

⁷Hanua pavapavadia una tano ai danu Iosua bona Israel taudia ese e hadareredia, Ioridane sinavaina lahara kahana ai, Baal-gad amo, Lebanon kourana ai, ela bona Halak ororona, Seiri kahana ai. Bena Iosua ese edia tano e abi, Israel iduhudia e henidia, edia tano ai bae halao, iduhu ta ta ena tano ena tano ai baela;

⁸ororo bona koura, Araba taorana bona ororo gabaedia bona tano ḡagaedia, bona diho kahana tanodia; Hiti taudia bona Amoro taudia bona Kanaan taudia bona Perisi taudia bona Hivi taudia bona Iebusu taudia edia tano.

⁹Pavapava bini: Ieriko pavapavana, ta; Ai pavapavana (Ai be Betele badibadinai), ta;

¹⁰Ierusalem pavapavana, ta; Heberon pavapavana, ta;

¹¹Iaramutu pavapavana, ta; Lakisi pavapavana, ta; I

¹²Eglon pavapavana, ta; Gesere pavapavana, ta;

¹³Debiri pavapavana, ta; Gedere pavapavana, ta;

¹⁴Horoma pavapavana, ta; Arada pavapavana, ta;

¹⁵Libna pavapavana, ta; Adulama pavapavana, ta;

¹⁶Makeda pavapavana, ta; Betele pavapavana, ta;

¹⁷Tapua pavapavana, ta; Hefere pavapavana, ta;

¹⁸Afek pavapavana, ta: Lasarono pavapavana, ta;

¹⁹Madon pavapavana, ta; Hasoro pavapavana, ta;

²⁰Simrono-meron pavapavana, ta; Akasaf pavapavana, ta;

²¹Taanak pavapavana, ta; Megido pavapavana, ta;

²²Kede pavapavana, ta; Iokoneam pavapavana (Iokoneam be Karamele ai), ta;

²³Doro pavapavana (Doro be Nafata-doro ai), ta; Goimi pavapavana (Goimi be Gilgal ai), ta;

²⁴Tirisa pavapavana, ta. Pavapava iboudiai na toi-ahui ta.