Josué 12

1

2

3

4

5

6

7

8

9

10

11

12

13

14

15

16

17

18

19

20

21

22

23

24

¹Jordán mayuta manaraj päsar ishcay raycunata wañurcachir nasyunnincunata Israel runacuna guechuran. Chay raycunaga mandaran Arnón mayupita-pacha Hermón puntacamami. Chay caran Jordán mayu chimpan inti yagamunan caj-läpami.

²Binsir wañuchiran Amorreo runacunapa raynin Sehonta. Payga Hesbonchömi tiyaran. Sehonga mandaran Arnón mayupa lädun Aroer siudäpita-pacha Jaboc mayucamami. Chay mayuga Amón runacunapa lindanmi caran. Chay raypa munayninchömi caran pullan Galaadpis.

³Chay raypa maquinchömi caran Jordanpa lädun pampapis Cineret gochapita-pacha Cachi Lamarcama, Bet-jesimotpita sur caj-läpa aywarna Pisga punta chaquincama.

⁴Binsir wañuchiran Basanpa raynin Ogtapis. Payllanami caycaran Refaí famillyaga. Og tiyaran Astarotcho, Edreicho.

⁵Ogpa maquincho caycaran Hermón puntapita, Salcapita intëru Basán parti Gesur lindacama, Maaca lindacama. Pullan Galaadpis paypa maquinchömi caycaran. Paypa maquincho caycaran Hesbonpa raynin Sehonpa lindancamami.

⁶Chay raycunatami Moiseswan Israelcuna binsiran. Nircur chay chacracunataga raquipaycuran Rubén trïbuta, Gad trïbuta, pullan caj Manasés trïbuta.

⁷Israelcunawan Josué Jordán mayuta päsarcur achca raycunatami binsiran. Chay raycuna mandashan particuna caran Líbano pampacho caj Baal-gadpita-pacha Seir partiman aywaj Halac jircacamami. Chay particunata Josuëga shuyni-camami raquiparan Israel trïbucunata.

⁸Chaura Israelcuna chasquishan caran achca puntayoj parti, lamar läduncho caj löma lömacuna, Jordán lädun pampacuna, chunyaj chaqui jircacuna, Néguev partipis. Chay particunaga caran Het, Amorreo, Cananeo, Ferez, Hev, Jebús runacunapami.

⁹Israelcunaga wañuchiran Jericöpa rayninta, Bet-elpa ñaupancho caycaj Haipa rayninta,

¹⁰Jerusalenpa rayninta, Hebronpa rayninta,

¹¹Jarmutpa rayninta, Laquispa rayninta,

¹²Eglonpa rayninta, Gezerpa rayninta,

¹³Debirpa rayninta, Gederpa rayninta,

¹⁴Hormapa rayninta, Aradpa rayninta,

¹⁵Libnapa rayninta, Adulampa rayninta,

¹⁶Macedapa rayninta, Bet-elpa rayninta,

¹⁷Tapuapa rayninta, Heferpa rayninta,

¹⁸Afecpa rayninta, Saronpa rayninta,

¹⁹Madonpa rayninta, Hazorpa rayninta,

²⁰Simrón-meronpa rayninta, Acsafpa rayninta,

²¹Taanacpa rayninta, Meguidupa rayninta,

²²Cedespa rayninta, Carmelocho caycaj Jocneampa rayninta,

²³Dorpa rayninta jinan Dorcho, Gilgalcho caycaj Goimpa rayninta,

²⁴Tirsapa rayninta. Chaura llapan wañoj raycunaga caran quimsa chunca jucwanmi (31).