Josue 12

1

2

3

4

5

6

7

8

9

10

11

12

13

14

15

16

17

18

19

20

21

22

23

24

¹Nesakup en te menge Israilihanen is menge tanà diyà te edsilaan te Jordan, puun te zal-ug te Arnon taman te Buntud he Hermon, ragkes kayi is tanà diyà te edsilaan he vahin te Araba. Iyan heini menge hadì dutun he menge lugar he nezaag te menge Israilihanen: Si Sihon he Amorihanen he meǥinged diyà te Heshbon. Sakup te ginhedian din is ketengà te Gilead. Puun heini te Aroer he kilid te zal-ug te Arnon, ragkes en is inged diyà te teliwazà kayi he zal-ug taman te zal-ug te Jabok, he dulunà te menge Amunihanen.

³Nesakup daan te ginhedian din is dapit te edsilaan he Araba, puun te Ranew te Galilea taman te Bet Jeshimot, he zapit te edsilaan te Zaǥat te Araba, ne taman pa ziyà te zivavà he lugtenaan te Buntud he Pisga.

⁴Is ikezuwa ne iyan si Og, is hadì diyà te Bashan. Sevaha sikandin te nesamà he menge kevuwazan te menge Ripanhen. Meǥinged sikandin diyà te Ashtarot wey ziyà te Edrei.

⁵Is nesakup te ginhedian din iyan is Buntud te Hermon, Saleca, is tivuuk he Bashan taman te zulunà te Geshur wey Maaca, wey is ketengà te Gilead taman te zulunà te Heshbon he nesakup te lugar ni hadì Sihon.

⁶Nezaag sikandan ni Moises he suluǥuen te Nengazen wey te menge Israilihanen. Imbeǥey ni Moises is tanè dan diyà te tribu ni Reuben, tribu ni Gad, wey ketengà he tribu ni Manase wey zan mepengevilin.

⁷Naaǥew zaan ni Josue wey te menge Israilihanen is menge tanà diyà dapit te edsenlepan te Jordan, puun te Baal Gad he Suǥud te Lebanon taman te Buntud he Halak petekezeg diyà te Seir. Imbeǥey ni Josue heini he menge tanà diyà te menge Israilihanen. Mibahin din heini ziyà te kada tribu te Israel wey zan mepengevilin. Ragkes kayi he tanà is menge vuvungan, is menge mibuntud-buntud diyà te edsenlepan, is Suǥud te Jordan, wey is lugtenaan te menge vuvungan, is menge disirtu ziyà te zivavà, wey is Negev. Iyan nehuna he menge meǥinged kayi is menge Hitihanen, Amorihanen, Canaanhen, Pirisihanen, Hivihanen, Jebusihanen. Iyan heini menge hadì kayi he menge lugar he midaag ni Josue wey te menge Israilihanen:

⁹hadì te Jerico hadì te Ai (uvey te Betel)

¹⁰hadì te Jerusalem hadì te Hebron

¹¹hadì te Jarmut hadì te Lakish

¹²hadì te Eglon hadì te Gezer

¹³hadì te Debir hadì te Geder

¹⁴hadì te Horma hadì te Arad

¹⁵hadì te Libna hadì te Adulam

¹⁶hadì te Makeda hadì te Betel

¹⁷hadì te Tapua hadì te Hefer

¹⁸hadì te Afek hadì te Lasharon

¹⁹hadì te Madon hadì te Hazor

²⁰hadì te Shimron Meron hadì te Acshaf

²¹hadì te Taanac hadì te Megido

²²hadì te Kedesh hadì te Jokneam (diyà te Carmel)

²³hadì te Dor (diyà te Nafat Dor) hadì te Goim (diyà te Gilgal)

²⁴hadì te Tirza 31 langun he menge hadì.