1Masagiti pɛtɛ, niiti Izelayɛle nuiti ti vɔnini ti ma, Zuludɛn folo ɠulazu ʋelei, ti zei ta-yooiti su, é zo ziɛ wolai Aalenɔn ma, eyɛsu é zeeli Ɠɛɛlemɔn gizei ma, folo ɠulazu ʋelei, Zuludɛn ma ʋɛtu nɛmɛi zu.
2Ma mɔungi ɠɛni ga Siɠon, Amɔɔl nuiti ta-masagi, nii é ɠɛni zeini Ɠɛseɓon, ná-masadai zoni Alɔwɛɛl ma, nii é ziɛ wolai Aalenɔn ma ʋɛtugi laaʋɛ, é zeeli Galaade yooi ɠilazuʋɛ, eyɛsu ziɛ wolai Yaɓɔke ʋɔ bɛ, nii é ɠɛni ga Amɔn nuiti ta-ɠwɛpelemaʋɛ.
3Zuludɛn ma ʋɛtu nɛmɛi ɠɛni zea, folo ɠulazu ʋelei, ta ziɛ wolai Zeeneezalɛte, lɛkpɛmaʋɛ nu ɠɔʋɛzuʋɛ, é zei Kpoloɗɛ Wanai ʋa, Ɓɛte-Yesimɔte ɠobaʋɛ, ta lɛkpɛmaʋɛ nu yeezazuʋɛ, zooi nii é Pizega ɠizei ɠɔɠɔaʋɛ.
4Ɓasan nuiti ta-masagi Wɔge, nii é ɠɛni ga Leefa mavofodai ma ɠaaɓelagi ta, é ɠɛni masadai ɠɛɛzu Asetalɔte ta Edeleyi unda.
5É ɠɛni masadai ɠɛɛzu Ɠɛɛlemɔn gizei ta Saleka ta Ɓasan yooi pɛ unda, eyɛsu é zei Gesuul nuiti ta Maakate nuiti ta-ɠwɛpelemaʋɛ ʋa, ta Galaade ɠilazuʋɛ unda, eyɛsu é zei Ɠɛseɓon masagi Siɠon ná-kwɛpelemaʋɛ ʋa.
6Ɠɔoɠɔ GALAGI ná-botiɠɛ nui Moize ta Izelayɛle nuiti ti vɔnini naama masa felegɔiti ma. Moize ta-yooi veeni ga tɔnɔ Luɓɛn ná-bolodai ya, ta Gade ná-bolodai, ta Manasee ná-bolodai ɠilazuʋɛ.
7Masagiti pɛtɛ, niiti Zozuwe ta Izelayɛle nuiti ti vɔnini ti ma Zuludɛn folo liizu ʋelei, é zo Ɓaale-Gade, Liɓan ʋɛtugi zu, é zeeli Ɠalake gizei ma, nii buzeɠeai Seyiil ʋele. Zozuwe ti veeni Izelayɛle wolodaiti zea ga tɔnɔ, é gaaɠwɛ ti ʋa.
8Naama yooiti ti ɠɛni gize yooi, ta ziɛlaʋɛ ma nɛmɛi, ta Zuludɛn ma ʋɛtu nɛmɛi, ta gize wolaiti ma, ta Zudee teʋebai zu, ta lɛkpɛmaʋɛ nu yeezazuʋɛ yooi zu. Zooi naati ti ɠɛni ga Ɠɛte nuiti ta-yooiti, ta Amɔɔl nuiti, naa ʋɛɛ Kanaan nuiti ta Feeleeze nuiti ba, ta Ɠeeve nuiti, ta Yeeɓuse nuiti.
9Masagiti ti pilɛ sɔlɔɔni ti ma, ti ɠɛni ga niiti: Zeeliko masagi, Ayi masagi Ɓeetɛle ɠobaʋɛ,
10Zeeluzalɛme masagi, Ɠeeɓelɔn masagi,
11Yaalemute masagi, Lakise masagi,
12Egelon masagi, Geezɛɛl masagi,
13Deɓiil masagi, Geedɛɛl masagi,
14Ɠɔɔlema masagi, Alade masagi,
15Liɓena masagi, Adulame masagi,
16Makeeda masagi, Ɓeetɛle masagi,
17Tapua masagi, Ɠeefɛɛl masagi,
18Afɛke masagi, Lasalon masagi,
19Madon masagi, Ɠasɔɔl masagi,
20Simelon-Melon masagi, Akesafe masagi,
21Taanake masagi, Megido masagi,
22Keedɛse masagi, Yɔkeneyame masagi é ɠɛni Kaalemɛle,
23Dɔɔl masagi é ɠɛni Dɔɔl yooi zu, Gɔyime masagi é ɠɛni Gilegale ɠobaʋɛ,
24Tiilesa masagi. Masagiti tiegɔi ɠɛni ga nu ʋuusaʋagɔ maazu ɠila (31).
