Йәшуа 12

1

2

3

4

5

6

7

8

9

10

11

12

13

14

15

16

17

18

19

20

21

22

23

24

¹Исраил Иордан дәриясиниң у тәрипидә, йәни күн чиқиш тәрипидә икки падишаһни өлтүрди. Улар уларниң зиминини, йәни Арнон дәриясидин тартип Һәрмон тағлиғиға туташқан зимин билән шәриқ тәрәптики барлиқ Арабаһ түзләңлигини егилиди. Шу икки падишаһлар болса: —

²бирси Һәшбонда турушлуқ Аморийларниң падишаһи Сиһон; у Ароәр (Ароәр Арнон дәриясиниң бойида) вә Арнон җилғисидики шәһәрдин тартип, Гилеадниң йеримини өз ичигә алған Яббок дәриясиғичә (бу Аммонийларниң чегариси еди) болған йәрләрдә сәлтәнәт қилатти;

³у сәлтәнәт қилған зимин йәнә шәриқ тәрәптики Киннәрот деңизидин тартип Арабаһ деңизиғичә, йәни Шор деңизиғичә созулған Арабаһ түзләңлигини, шундақла шәриқ тәрәптики Бәйт-Йәшимотқа баридиған йолни вә җәнуп тәрипидә Писгаһ теғиниң даванлириниң четигичә созулған зиминни өз ичигә алатти.

⁴Униңдин башқа Исраил Башан падишаһи Огниң зиминини алди; у Рәфайийлар дейилидиған гигантларниң қалдуғидин бири еди (улар Аштарот вә Әдрәйдә туратти).

⁵У Һәрмон теғидики жутларға, Салкаһ вә пүткүл Башан зиминиға, йәни Гәшурийлар билән Маакатийларниң чегарисиғичә, шуниңдәк Гилеадниң йеримиға, таки Һәшбонниң падишаһи Сиһонниң чегарисиғичә сәлтәнәт қилатти.

⁶Пәрвәрдигарниң қули болған Муса билән Исраиллар буларға һуҗум қилип мәғлуп қилған еди вә Пәрвәрдигарниң қули Муса шу зиминни Рубәнләргә, Гадларға вә Манассәһниң йерим қәбилисигә мирас қилип бәргән еди.

⁷Төвәндикиләр Йәшуа билән Исраиллар Иордан дәриясиниң ғәрип тәрипидә һуҗум қилип мәғлуп қилған падишаһлардур; уларниң зиминлири Ливан җилғисидики Баал-Гадтин тартип, Сеирниң даванлириниң йенидики Һалак теғиғичә болған зиминлардин ибарәт еди. Йәшуа бу зиминларни Исраилниң қошун-қәбилилири бойичә уларға мирас қилип бәрди,

⁸җүмлидин тағлиқ жутни, Шәфәлаһ ойманлиғини, Арабаһ түзләңлигини, егизликтики даванларни, чөллүкни вә җәнуптики Нәгәв зиминини, Һиттийлар, Аморийлар, Ⱪананийлар, Пәриззийләр, Һивийлар вә Йәбусийларниң зиминлирини бөлүп бәрди: —

⁹Уларниң падишаһлириниң бири Йерихониң падишаһи, бири Бәйт-Әлниң йенидики Айиниң падишаһи,

¹⁰бири Йерусалимниң падишаһи, бири Һебронниң падишаһи,

¹¹бири Ярмутниң падишаһи, бири Лақишниң падишаһи,

¹²бири Әглонниң падишаһи, бири Гәзәрниң падишаһи,

¹³бири Дәбирниң падишаһи, бири Гәдәрниң падишаһи,

¹⁴бири Хормаһниң падишаһи, бири Арадниң падишаһи,

¹⁵бири Либнаһниң падишаһи, бири Адулламниң падишаһи,

¹⁶бири Маккәдаһниң падишаһи, бири Бәйт-Әлниң падишаһи,

¹⁷бири Таппуаһниң падишаһи, бири Һәфәрниң падишаһи,

¹⁸бири Афәкниң падишаһи, бири Лашаронниң падишаһи,

¹⁹бири Мадонниң падишаһи, бири Һазорниң падишаһи,

²⁰бири Шимрон-Мәронниң падишаһи, бири Ақсафниң падишаһи,

²¹бири Таанақниң падишаһи, бири Мәгиддониң падишаһи,

²²бири Кәдәшниң падишаһи, бири Кармәлниң йенидики Йокнеамниң падишаһи,

²³бири Дор егизлигидики Дорниң падишаһи, бири Гойимниң падишаһи,

²⁴бири Тирзаһниң падишаһи болуп, җәмий оттуз бир падишаһ еди.