Yeshua 12

1

2

3

4

5

6

7

8

9

10

11

12

13

14

15

16

17

18

19

20

21

22

23

24

¹Israil Iordan deryasining u teripide, yeni kün chiqish teripide ikki padishahni öltürdi. Ular ularning zéminini, yeni Arnon deryasidin tartip Hermon taghliqigha tutashqan zémin bilen sherq tereptiki barliq Arabah tüzlenglikini igilidi. Shu ikki padishahlar bolsa: —

²birsi Heshbonda turushluq Amoriylarning padishahi Sihon; u Aroer (Aroer Arnon deryasining boyida) we Arnon jilghisidiki sheherdin tartip, Giléadning yérimini öz ichige alghan Yabbok deryasighiche (bu Ammoniylarning chégrisi idi) bolghan yerlerde seltenet qilatti;

³u seltenet qilghan zémin yene sherq tereptiki Kinnerot déngizidin tartip Arabah déngizighiche, yeni Shor déngizighiche sozulghan Arabah tüzlenglikini, shundaqla sherq tereptiki Beyt-Yeshimotqa baridighan yolni we jenub teripide Pisgah téghining dawanlirining chétigiche sozulghan zéminni öz ichige alatti.

⁴Uningdin bashqa Israil Bashan padishahi Ogning zéminini aldi; u Refayiylar déyilidighan gigantlarning qalduqidin biri idi (ular Ashtarot we Edreyde turatti).

⁵U Hermon téghidiki yurtlargha, Salkah we pütkül Bashan zéminigha, yeni Geshuriylar bilen Maakatiylarning chégrisighiche, shuningdek Giléadning yérimigha, taki Heshbonning padishahi Sihonning chégrisighiche seltenet qilatti.

⁶Perwerdigarning quli bolghan Musa bilen Israillar bulargha hujum qilip meghlup qilghanidi we Perwerdigarning quli Musa shu zéminni Rubenlerge, Gadlargha we Manassehning yérim qebilisige miras qilip bergenidi.

⁷Töwendikiler Yeshua bilen Israillar Iordan deryasining gherb teripide hujum qilip meghlup qilghan padishahlardur; ularning zéminliri Liwan jilghisidiki Baal-Gadtin tartip, Séirning dawanlirining yénidiki Halak téghighiche bolghan zéminlardin ibaret idi. Yeshua bu zéminlarni Israilning qoshun-qebililiri boyiche ulargha miras qilip berdi,

⁸jümlidin taghliq yurtni, Shefelah oymanliqini, Arabah tüzlenglikini, égizliktiki dawanlarni, chöllükni we jenubtiki Negew zéminini, hittiylar, Amoriylar, Qanaaniylar, Perizziyler, Hiwiylar we Yebusiylarning zéminlirini bölüp berdi: —

⁹Ularning padishahlirining biri Yérixoning padishahi, biri Beyt-Elning yénidiki Ayining padishahi,

¹⁰biri Yérusalémning padishahi, biri Hébronning padishahi,

¹¹biri Yarmutning padishahi, biri Laqishning padishahi,

¹²biri Eglonning padishahi, biri Gezerning padishahi,

¹³biri Debirning padishahi, biri Gederning padishahi,

¹⁴biri Xormahning padishahi, biri Aradning padishahi,

¹⁵biri Libnahning padishahi, biri Adullamning padishahi,

¹⁶biri Makkedahning padishahi, biri Beyt-Elning padishahi,

¹⁷biri Tappuahning padishahi, biri Heferning padishahi,

¹⁸biri Afekning padishahi, biri Lasharonning padishahi,

¹⁹biri Madonning padishahi, biri Hazorning padishahi,

²⁰biri Shimron-Meronning padishahi, biri Aqsafning padishahi,

²¹biri Taanaqning padishahi, biri Megiddoning padishahi,

²²biri Kedeshning padishahi, biri Karmelning yénidiki Yoknéamning padishahi,

²³biri Dor égizlikidiki Dorning padishahi, biri Goyimning padishahi,

²⁴biri Tirzahning padishahi bolup, jemiy ottuz bir padishah idi.