1मिनु इस्राएलीपुकीमी यर्दन ङा पूर्ब, अरनोन खोला रे हेरमोन डांडा सम्म नु पूर्ब ङा अराबाह दिंम नेल्ल आंम के सेल्तेक्म। मेको ब्रुशो पिप सु सु बाक्तेक्म देंशा हना,
2एमोरी आन पिप सीहोन, मेको हेश्बोनमी बाक्शो बाक्माक्त। मेकोमी ते ते हुकुम पाइब बाक्माक्त देंशा हना, अरनोन खोला आ नेक्था बाक्शो आरोएर रे अरनोन खोला आ दाते रे यब्बोक खोला सम्म सासन पाइब बाक्माक्त। मेको अम्मोनी आन सांद बाक्त। मिनु मेकोमी आधा गिलाद कली यो सासन पशो बाक्माक्त। गन्ती २१:२४
3मिनु पूर्ब गे किन्नेरोथ माइश्शो समुन्द्र रे अराबाह दिंम नु अराबाह हिक्सी समुन्द्र, बेथ-येशीमोथ नु दक्खिन गे पिस्गा डांडा आधी रागी सम्म यो सासन पशो बाक्माक्त।
4मेको बाशान ङा पिप, ओग आ रागी बाक्त। मिनु मेको रेफाइम आन नोले ङा पिप का बाक्माक्त। मेको ते ते सासन पाइबाक्माक्त देंशा हना, अश्तारोथ नु एद्रेइमी सासन पाइबाक्माक्त। गन्ती २१:३३; ब्यवस्था ३:१०-११
5हेरमोन डांडा, साल्का, बाशान नेल्ल, गेशुरी आन सांद नु माकाथ आ मुर आन सांद सम्म नु आधा गिलाद रे लाइश्शा, हेश्बोन ङा पिप सीहोन आ सांद सम्म सासन पाइबाक्माक्त।
6परमप्रभु यावे आ गेय पाइब मोसा नु इस्राएलीपुकीमी मेको आन कली ग्राशा साइक्तेक्म। मिनु परमप्रभु यावे आ गेय पाइब मोसामी रूबेन आ थर, गाद आ थर नु मनस्से आ उइक्थ थर ङा मुर आन कली “मेको रागी इन के दुम्त” दे गेप्तु। गन्ती ३२:३३
7मिनु यहोसु नु इस्राएलीपुकीमी यर्दन खोला आ पच्छिम ङा पिप आन रागी तेको तेको ग्रातेक्म देंशा हना, लेबानोन बेंसी ङा बाल-गाद, सेइर ङा ग्येत्थ लां ङा हालाक डांडा सम्म ग्रातेक्म। मिनु ङोंइती देंशो खोदेंशो पा यहोसुमी इस्राएली आन थर थर ङा मुर गिश बाक्नीम, दे कोव़शा, मेको आन कली “मेको रागी इन के दुम्त” दे गेप्तु। मेको रागी तेको तेको बाक्तेक्म देंशा हना,
8पहाड रागी, पच्छिम ङा आइक्च डांडापुकी, अराबाह रागी, पहाड ङा देम्सीलो, गोरशो रागी नु नेगेब बाक्तेक्म। मेकेर तेको जात ङा मुर बाक्तेक्म देंशा हना, हित्ती, एमोरी, कनानी, परिज्जी, हिव्वी नु यबुसीपुकी बाक्तेक्म। मिनु ब्रुइब पिप तेको तेको सहर ङा बाक्तेक्म देंशा हना, यहोसु ११:३
9यरीको ङा पिप, ऐ ङा पिप, मेको बेथेल आ नेक्था बाक्ब, यहोसु ६:२; यहोसु ८:२९
10यरूसलेम ङा पिप, हेब्रोन ङा पिप, यहोसु १०:-
11यरमुथ ङा पिप, लाकीश ङा पिप,
12एग्लोन ङा पिप, गेजेर ङा पिप,
13देबीर ङा पिप, गेदेर ङा पिप यहोसु १३:३८; न्यायाधीस १:११
14होरमा ङा पिप, आराद ङा पिप, न्यायाधीस १:१७; गन्ती २१:१
15लिब्ना ङा पिप, अदुल्लाम ङा पिप, यहोसु १०:२९-३०
16माकेदा ङा पिप, बेथेल ङा पिप, यहोसु १०:२८
17ताप्पुआह ङा पिप, हेफेर ङा पिप, यहोसु १५:५३; १सामुएल ४:१; १इतिहास ५:१६
18अफेक ङा पिप, लशारोन ङा पिप,
19मादोन ङा पिप, हासोर ङा पिप, यहोसु ११:१,१०
20शिम्रोन-मेरोन ङा पिप, आकशाफ ङा पिप,
21तानाक ङा पिप, मेगीददो ङा पिप, यहोसु १७:११
22केदेश ङा पिप, कारमेलम बाक्शो योकनाम ङा पिप, यहोसु १९:३७; यहोसु १९:११
23नाफाथ-डोरम बाक्शो डोर डांडा ङा पिप, गिल्गालम बाक्शो गोयीम ङा पिप, ग्रीक लोव़म गिल्गाल कली गालील यो देंब।उत्पत्ती १४:१९
24नु तिरचा ङा पिप बाक्तेक्म। मेको नेल्ल पा ३१ जना पिप बाक्तेक्म। १राजा १४:१७
