Josué 12

1

2

3

4

5

6

7

8

9

10

11

12

13

14

15

16

17

18

19

20

21

22

23

24

¹Moisés-dula-gudiunni, Israel-dulemar Jordán-diwar-dad-nakwedsik rey-warbo-maidgi nakwis gusmalad. Israel-dulemar we-reymar-ibe dad-nakwed-argan-nuedsik Arnón-dian-akar dad-nakwed-argan-sapiledsik Hermón-yarse yar susmalad. Deginbali, bela Arabá-dad-nakwedsik-yar-naidi susa gusmarbalid.

²We-rey-warbogwad, wargwena Sehónʼye-nugad, wedi Amorreo-dulemar-e-reyd, Hesbónʼgi mai gusad. We-reyde dad-nakwed-argan-nuedsik Arnón-diwar-gakaba Aroer-neggwebur-siid-akar, dad-nakwed-argan-sapiledsik Jaboc-diwar-maidse yar-gani gusad. We-diwar-Jaboc Amón-dulemarbo-yar-abingunaidga maid. Deginbali, Arnón-diwar-neba-naid-negabar, degi, Galaad-negabar Rey-Sehón gani gusbalid.

³Amba deyobi, Arabá-dad-nakwedsik-yar-naidi, Cineret-demar-akar Demar-Gagbidye-nugadse yar gani gusbalid. Deginbali, Demar-Gagbidye-nugad-dad-nakwedsik-yar-naidi, Bet-Jesimot-neggweburse, degi, Pisga-yar-nakwemaidse Rey-Sehón gani gusbalid.

⁴Baid-reydi Ogʼye-nugad, wedi Basán-e-reyd. We-reyde Refa-e-wagwa-napi-dula-besadid. Astarotʼgi, degi, Edreiʼgi mai gusad.

⁵We-Rey-Og-e-yala dad-nakwed-argan-sapiledsik Hermón-yargi onoalid. Dad-nakwedsikdi Salca-neggweburgi onoalid, bela Basán-yar-naidse-bakale, yaba dogarbalid, dad-argwanedsik Gesur-yar-abingunaidse, degi, Maaca-yar-abingunaidse bergunaid. Deginbali, Rey-Og Galaad-negabar-akar, Hesbón-rey-Sehón e-yar-abingunaidse yar gani gusbalid.

⁶Moisés, degi, Israel-dulemar we-rey-warbogwadgine nakwis gusmalad. Moisés we-reymar-yarmar Rubén-waganga, Gad-waganga, degi, Manasés-wagan-negabaladga uksa gusad.

⁷Josué, degi, Israel-dulemar bela reymar-Jordán-diwar-dad-argwanedsik-mamaidgi nakwis gusmalad. We-reymar-yarmar Líbano-nebagangi, Baal-Gadʼgi onoalid, Seirʼsik nakwilemaidsik, Halac-yar-siidse bergunaid. Josué we-reymar-e-yala Israel-dulemarga na e-dadgan-warambe-gakabogwadba (12) uksa gusad, adi, na egadga imakmalagar.

⁸We-yarmar-uklesadi, wemalad: Napaneg-yalaganba-nanaid, dad-argwanedsik nebagan-nanaid, Arabá-yar, neg-mullugan, nega-dulesulidgan, degi, Neguev-yar. We-yalamar, we-dulemargadinad: Het-dulemar, Amorreo-dulemar, Canaán-dulemar, Ferezeo-dulemar, Heveo-dulemar, degi, Jebuseo-dulemar.

⁹Israel-dulemar we-neggweburmar-e-reymargi nakwisad: Jericó-e-reygi, Hai-e-reygi. Hai-neggweburde, Betel-naba siid.

¹⁰Jerusalén-e-reygi, Hebrón-e-reygi,

¹¹Jarmut-e-reygi, Laquis-e-reygi,

¹²Eglón-e-reygi, Gezer-e-reygi,

¹³Debir-e-reygi, Geder-e-reygi,

¹⁴Horma-e-reygi, Arad-e-reygi,

¹⁵Libna-e-reygi, Adulam-e-reygi,

¹⁶Maceda-e-reygi, Betel-e-reygi,

¹⁷Tapúa-e-reygi, Hefer-e-reygi,

¹⁸Afec-e-reygi, Sarón-e-reygi,

¹⁹Madón-e-reygi, Hazor-e-reygi,

²⁰Simron-Merón-e-reygi, Acsaf-e-reygi,

²¹Taanac-e-reygi, Meguido-e-reygi,

²²Cedes-e-reygi, Carmelo-yargi-Jocneam-neggwebur-siid-e-reygi.

²³Dor-yargi, Dor-neggwebur-siid-e-reygi. Gilgalʼgi-Goim-neggwebur-siid-e-reygi,

²⁴degine, Tirsa-e-reygi. Josué bela we-neggwebur-e-reymar-dulagwen-gakambe-gakagwensak-merguedgi (31) nakwisad.