Josua 12

1

2

3

4

5

6

7

8

9

10

11

12

13

14

15

16

17

18

19

20

21

22

23

24

¹Ol Israel i bin winim pait na ol i kisim olgeta graun long hap sankamap bilong wara Jordan. Mak bilong dispela graun em i stat long ples daun bilong wara Arnon, na i go long ples daun bilong Jordan na i go inap long maunten Hermon. Pastaim ol Israel i winim tupela king long pait. Nem bilong tupela i olsem, Sihon na Ok.

²Sihon, king bilong ol Amor, em i stap long taun Hesbon. Mak bilong kantri bilong en i stat long taun Aroer long arere bilong ples daun bilong Arnon, na i go namel long dispela ples daun na i go inap long wara Jabok. Wara Jabok em i mak bilong ol Arnon na ol Amon. Dispela graun em i hap bilong distrik Gileat.

³Na long hap sankamap bilong ples daun bilong Jordan, mak i stat long raunwara Galili na i go long taun Bet Jesimot, klostu long raunwara Detsi, na i go olgeta long hap saut inap long as bilong maunten Pisga.

⁴Na ol Israel i bin pait long Ok, king bilong kantri Basan, na winim em. Em i man bilong ol lain Refaim. Bipo dispela lain i bikpela na nau ol i liklik lain tasol. Ok i save stap long tupela taun, Astarot na Edrei.

⁵Na em i bosim hap bilong maunten Hermon na taun Saleka na olgeta hap bilong distrik Basan i go inap long mak bilong ol Gesur na ol Maka. Na em i bosim tu hap bilong distrik Gileat i go inap long mak bilong kantri bilong King Sihon.

⁶Moses wantaim ol Israel i winim dispela tupela king long pait. Na Moses, wokman bilong Bikpela, i givim graun bilong tupela long ol lain bilong Ruben na lain bilong Gat na hap lain bilong Manase.

⁷Josua wantaim ol Israel i winim olgeta king bilong ol taun i stap long hap san i go daun bilong wara Jordan, stat long taun Balgat long ples daun bilong Lebanon na i go inap long maunten Halak klostu long kantri Idom. Ol i kisim ples maunten na ol liklik maunten long hap san i go daun na ples daun bilong wara Jordan na ol liklik maunten klostu long Jordan na ples wesan nating na distrik Negev long hap saut. Bipo ol Hit na ol Amor na ol Kenan na ol Peres na ol Hivi na ol Jebus i stap long dispela graun. Na Josua i tilim dispela graun na givim long ol lain Israel, na em i kamap graun bilong ol stret.

⁹Dispela em i lista bilong ol taun bilong ol king ol Israel i bin winim. Ol i winim ol king bilong taun Jeriko na Ai, em i klostu long Betel,

¹⁰na Jerusalem na Hebron

¹¹na Jarmut na Lakis

¹²na Eklon na Geser

¹³na Debir na Geder

¹⁴na Horma na Arat

¹⁵na Lipna na Adulam

¹⁶na Makeda na Betel

¹⁷na Tapua na Hefer

¹⁸na Afek na Lasaron

¹⁹na Madon na Hasor

²⁰na Simronmeron na Aksap

²¹na Tanak na Megido

²²na Kedes na Jokneam long distrik Karmel

²³na Dor klostu long nambis na Goim klostu long ples Gilgal,

²⁴na Tirsa. Ol Israel i bin winim 31 king olgeta na kisim graun bilong ol.