Pend-nesihetler 8

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

¹Qulaq sal, danaliq chaqiriwatmamdu? Yoruqluq sada chiqiriwatmamdu?

²Yollarning égiz jayliridin, Doqmushlardin u orun alidu,

³Sheherge kiridighan qowuqlarning yénida, Herqandaq derwaza éghizlirida u murajiet qilmaqta: —

⁴«I mötiwerler, silerge murajet qilimen, Hey, adem baliliri, sadani siler üchün qilimen,

⁵Gödek bolghanlar, zéreklikni öginiwélinglar, Exmeq bolghanlar, yoruqluqqa érishinglar!

⁶Manga qulaq sélinglar, Chünki güzel nersilerni dep bérimen, Aghzimni échip, durus ishlarni silerge yetküzimen.

⁷Éytqanlirim heqiqettur, Aghzim rezilliktin nepretlinidu;

⁸Sözlirimning hemmisi heq, Ularda héchqandaq hiyligerlik yaki egitmilik yoqtur.

⁹Ularning hemmisi chüshen'genler üchün éniq, Bilim alghanlar üchün durus-toghridur.

¹⁰Kümüshke érishkendin köre, nesihetlirimni qobul qilinglar, Sap altunni élishtin köre bilimni élinglar.

¹¹Chünki danaliq leel-yaqutlardin ewzel, Herqandaq etiwarliq nersengmu uninggha teng kelmestur.

¹²Men bolsam danaliqmen, Zéreklik bilen bille turimen, Istiqamettin kélip chiqqan bilimni ayan qilimen.

¹³Perwerdigardin eyminish — Yamanliqqa nepretlinish démektur; Tekebburluq, meghrurluq, yaman yol hem shum éghizni öch körimen.

¹⁴Mende obdan meslihetler, pishqan hékmet bar; Men dégen yoruqluq, qudret mendidur.

¹⁵Padishahlar men arqiliq höküm süridu, Mensiz hakimlar adil höküm chiqarmas.

¹⁶Men arqiliqla emirler idare qilidu, Aliyjanablar, yer yüzidiki barliq soraqchilar toghra höküm qilidu.

¹⁷Kimki méni söyse, menmu uni söyimen, Méni telmürüp izdigenler méni tapalaydu;

¹⁸Mende bayliq, shöhret, Hetta konirimas, köchmes dölet we heqqaniyetmu bar.

¹⁹Mendin chiqqan méwe altundin, Hetta sap altundin qimmetliktur, Mendin alidighan daramet sap kümüshtinmu üstündur.

²⁰Men heqqaniyet yoligha mangimen; Adalet yolining otturisida yürimenki,

²¹Méni söygenlerni emeliy nersilerge miras qildurimen; Ularning xezinilirini toldurimen.

²²Perwerdigar ishlirini bashlishidila, Qedimde yasighanliridin burunla, Men uninggha tewedurmen. Ezeldin tartipla — muqeddemde, Yer-zémin yaritilmastila, Men tiklen'genmen.  

²⁴Chongqur hanglar, déngiz-okyanlar apiride bolushtin awwal, Men meydan'gha chiqirilghanmen; Mol su urghup turidighan bulaqlar bolmastinla,

²⁵Égiz taghlar öz orunlirigha qoyulmastinla, töpilikler shekillenmestinla, Perwerdigar bipayan zémin, keng dalalarni, Alemning esliydiki topa-changlirinimu téxi yaratmastinla, Men meydan'gha chiqirilghanmen.

²⁷U asmanlarni bina qiliwatqinida, Déngiz yüzige upuq siziqini siziwatqinida, Ershte bulutlarni orunlashturup, Chongqur déngizdiki bulaq-menbelerni mustehkemlewatqinida, Déngiz sulirini békitken dairidin éship ketmisun dep perman chüshüriwatqinida, Bipayan zéminning ullirini quruwatqinida, Men u yerde idim;

³⁰Shu chaghda goya usta bir hünerwendek Uning yénida turghanidim, Men herdaim Uning aldida shadlinattim, men Uning kündilik dilarami idim;

³¹Men Uning alimidin, yer-zéminidin shadlinip, Dunyadiki insanlardin xursenlik tépip yürettim,

³²Shunga i balilar, emdi manga qulaq sélinglar; Chünki yollirimni ching tutqanlar neqeder bext tapar!

³³Alghan nesihetke emel qilip, Dana bolghin, uni ret qilma.

³⁴Sözümge qulaq sélip, Herküni derwazilirim aldidin ketmey, Ishiklirim aldida méni kütidighan kishi neqeder bextliktur!

³⁵Kimki méni tapsa hayatni tapidu, Perwerdigarning shepqitige nésip bolidu.

³⁶Lékin manga gunah qilghan herkim öz jénigha ziyan keltüridu, Méni yaman körgenler ölümni dost tutqan bolidu».