Luku 22:54-66

⁵⁴Ḿpʋ́ɣʋ́ pɑ kpɑ Yesu nɑ pɑ́ ponɑ kɔtʋlʋ sɔsɔ tǝyɑɣɑ, nɑ Piyɛɛ tǝŋɑɣɑ ɩ wɑɑlɩ kɛ́ tɑ́ɑ́lǝ́ḿ tɔɔ.

⁵⁵Pɑɑ tɑɣɑnɑ kɔkɔ kɛ tɑɣɑ hɛkʋ tɑɑ. Tǝnɑɣɑ Piyɛɛ polɑɑ nɑ ɩ́ sɔtɩ mpɑ pɑ pɑmnɑ kɔkɔ ŋkɛ tɔ pɑ hɛkʋ tɑɑ.

⁵⁶Tǝmlɛ tʋ ɑlʋnyǝŋ nɔɣɔlʋ ɩ nɑ-ɩ kɔkɔ kpeeŋɑ nɑ ɩ́ cɑɣɑɑ, ɩlɛnɑ ɩ́ nyǝnɩ-ɩ tǝpǝŋŋ nɑ ɩ́ tɔ sɩ: Ɩ́ nɑ ɑpɑlʋ ɩnɛɣɛ.

⁵⁷Tǝnɑɣɑ Piyɛɛ kpɛɛsɑɑ sɩ: Alʋ nyɑ́, ɑɑɩ, mɑ tɑ nyǝmɩ-ɩ yoo.

⁵⁸Pǝ lɑpɑ lɑɣɑsɑɣɑ kɛ pǝcɔ, ɩlɛnɑ nɔɣɔlʋ tɔtɔ nɑ́ɑ́ nɑ Piyɛɛ, nɑ ɩ́ tɔ sɩ: Pɑ tɑɑ wɛɣɛlɛ nɑ nyɑ́ tɔtɔ. Amɑ Piyɛɛ cɔ ɑpɑlʋ ɩnɩ sɩ: Pǝ tɑɣɑ mɑ.

⁵⁹Pǝ tɑsɑ lɑɣɑsɑɣɑ kɛ lɑpʋ, ɩlɛnɑ nɔɣɔlʋ tɔtɔ nɑ́ɑ́ sɛɛsɩ ɩsǝlɛ sɩ: Tɑmpɑnɑ tɔɔ, ɑpɑlʋ ɩnɛ nɑ Yesu kɛ́. Pǝ tɑɣɑ pʋlʋ tɔɔ, ɩ kɛ́ Kɑlilee tʋ kɛ́.

⁶⁰Tǝnɑɣɑ Piyɛɛ cɔwɑ sɩ: Nti ɑpɑlʋ nyɑ́ n yɔɣɔtǝɣɩ tɔ mɑ tɑ nyɩ-tɩ. Ɩ nɔɣɔ tɑ tɩɩ tiitɑ ɑtɛ ɩlɛ kɑmpɑɑʋ koo kpɑkpɑɑ ɩnǝɣǝlɛ.

⁶¹Tǝnɑɣɑ Tɑcɑɑ pǝsɑɑ nɑ ɩ́ yɑɣɑ Piyɛɛ kɛ ɩsǝlɛ. Ɩlɛnɑ Piyɛɛ tɔɔsɩ nti Tɑcɑɑ kɑ yɔɣɔtɑ-ɩ tɔ tǝ tɔɔ sɩ: Mpi pɩɩ tɑkɩ kɑmpɑɑʋ koou kɛ sɑŋɑ tɔ n tɛmɑ tɔm toosoɣo kpɛɛsʋɣʋ sɩ n tɑ nyɩ-m kɛ́ n tɑ nyɩ-m.

⁶²Ḿpʋ́ɣʋ́ ɩ tukɑɑ nɑ ɩ́ lɩɩ, ɩlɛnɑ ɩ́ wii ɩsɩɩ ɩ sǝkɩ ɩ sǝkɩ.

⁶³Yǝlɑɑ mpɑ pɑ tɑŋɑ Yesu tɔ, pɑ pɑɑkɑɣɑnɑ-ɩ, nɑ pɑ́ mɑkɩ-ɩ.

⁶⁴Pɑ tɑkɑ ɩ ɩsɛntɔɔ kɛ́ nɑ pɑ́ tɔŋɩ-ɩ sɩ: Kpeɣe, ɑwe mɑpǝnɑ-ŋ?

⁶⁵Pɑ yɔɣɔtɑ-ɩ tɔmnɑɑ tɔmnɑɑ kʋwǝwɩɩtʋ kɛ pɑɣɑlɛ tɔtɔ.

⁶⁶Kʋ femɑ, ɩlɛnɑ Yutɑ nyʋɣʋ nyǝ́mɑ nyʋɣʋ nyǝ́mɑ nɑ kɔtǝlɑɑ sɔsɑɑ nɑ Ɩsɔ Tɔm sɛɣɛsǝlɑɑ pɑ́ koti pɑ tǝmɑ. Ḿpʋ́ɣʋ́ pɑ ponɑ Yesu kɛ́ pɑ kotuɣu sɔsɔɔʋ tɑɑ.