54Jayave uipɨsɨ reta Jesús jare güɨraa sacerdote tenondegua jenta pe. Jare Pedro oo jae reta jaɨcue, ẽrei mbɨrɨño oo chugüi.
55Jayave joco pe ñugüɨnoi vae reta uyapo tata sacerdote tenondegua joca pe jare uguapɨ joco pe. Jare Pedro vi uguapɨ joco pe jae reta ipɨte pe.
56Ẽrei penti cuñatai uecha Pedro uguapɨ oĩ tataɨpɨ pe. Umae ngatu jese. Jayave jei: —Cua cuimbae vi icose jocua ĩru cuimbae ndive.
57Jayave Pedro uicuacu Jesús. —Aicuaa'ã jocua cuimbae —jei Pedro cuñatai pe.
58Ndei ɨma mbove penti cuimbae vi uecha Pedro jare jei chupe: —Nde co jae iĩru vi. —Che'ã co —jei Pedro cuimbae pe.
59Jare penti ora rupi ma uasa yave, ĩru cuimbae jeiete jei: —Añete co, cua cuimbae icose jocua ĩru cuimbae ndive. Echa'ã Galilea pegua co —jei.
60—Aicuaa'ã mbae ndere vae —jei Pedro cuimbae pe. Jare uyemɨngueta rupive, uru cuimbae uñee.
61Jayave yandeYa uyerova jare umae Pedro re. Jayave Pedro imandúa yandeYa jei chupe vae re: ‘Ndei uru cuimbae uñee mbove, mbapɨ vese ma checuacuta.’
62Jayave Pedro oẽ joco güi, jare tanta ipɨatɨtɨ reve uyao.
63Jare cuimbae uyandareco ñugüɨnoi Jesús re vae reta oyoyai jare uinupa.
64Jayave jae reta uesañoma Jesús jare ocua jova re. Jayave jei reta chupe: —Emɨmbeu oreve quía ra ocua nderé.
65Jare jeta icavi mbae vae jei reta chupe.
66Jare cõe ma yave, tenta guasu pegua reta itenondegua reta jare sacerdote reta itenondegua reta jare mboroyocui re oporomboe vae reta uyembatɨ. Jayave güeruruca reta Jesús. Jayave jei reta chupe:
San Lucas 22
San Lucas 22:54-66