Luka 22:54-66

⁵⁴Niyo wamgwila wamguha wamwigala kubula kwe inyumba ya Mlavyantambiko mkulu mna Petulo nakamtimila Yesu kwa kunyuma luhalehale.

⁵⁵Moto naujimbwa hagati ho uwa wo mdugano wose nawekala hamwenga, Petulo naye nehadya.

⁵⁶Mndima yumwenga mvyele eze amwone Petulo kekala haguhi ho moto, niyo amng'oila meso amgamba, Yuno mntu nehamwenga na Yesu.

⁵⁷Mna Petulo niyo alemela agamba, We mvyele miye simmanyize.

⁵⁸Chize chijinke chipindi chidodo mntu mtuhu niyo amwona Petulo amgamba, Weye wiyumo mwe wano wagwiligwe, Mna Petulo niyo amhitula amgamba we mbwawe suyo miye.

⁵⁹Enga saa dimwinga dijinkile mntu yumwenga niyo eza kumvilikiza chindedi yuno ne ehamwenga na Yesu, hambwe kalaila Galilaya.

⁶⁰Mna Petulo niyo amgamba, we mbwawe simanyize icho ukulonga, Ahadya umo achekulonga zogolo niyo dyaila.

⁶¹Zumbe Yesu niyo ahituka na kumsinya Petulo, ahadya Petulo niyo akumbuka yadya agambilwe ni Zumbe, dyelo zogolo hadinati kwila naunihituke nkanana ntatu.

⁶²Aho Petulo niyo afosa kweise, na kwila vidala.

⁶³Wadya wantu nawakamdima Yesu niyo wamtila nakumtowa.

⁶⁴Wamgubiga ameso niyo wamuza, “Akutoile ni yuhi? Hebu bunkula chikaule?”

⁶⁵Niyo wamhuluta vidala.

⁶⁶Kwize kuche, wakulu wo mzi na wantu niyo wekala chitala, Wahinya Sigilizi na walavyantambiko wakulu naweyumo mwe icho chitala, Yesu niyo egalwa he chitala.